MIRROR姜濤的圈外好友Kin（花名：中鋒）今年3月不幸猝逝，即使受到沉重打擊，姜濤亦只好強忍喪友之痛，應付接踵而來的工作。前日姜濤宣布將會推出新歌《Dear My Friend,》，表示要把歌獻給亡友Kin，他更於深夜連續發多個IG限時動態寫下對Kin的說話，讓人心疼。
姜濤在限時動態tag了Kin的IG，告知對方新歌的最終成品已經出爐，「頭先監製send咗八胎final version俾我，你聽唔聽到？我盡咗力架啦，以前你成日覺得我啲歌一般，呢隻你滿意啦。」姜濤表示MV已通宵拍攝完成，當中會加入Kin的畫面，他希望之後能親自給Kin的家人看，又指日後一定會定期探望他們，隨時提供協助，叫Kin可以放心。
姜濤參加《全民造星》時，好友中鋒曾出鏡分享二人的相處點滴
姜濤坦言最近心情有點疲乏，所幸有另一好友占士的陪伴，他指不在乎新歌成績，只希望故友Kin能聽到，「呢隻歌，我唔需要有咩太好嘅成績，啲人喺下面評論啲咩啊都唔緊要，最緊要嘅，係呢隻歌你聽到睇到就得啦。」最後他貼出跟Kin一起吃拉麵的舊照片，感觸說道：「疫情完咗之後呢，我就搵其他人一齊旅行㗎啦，你嗰邊等我老咗再過嚟，等我呀。」不過不久後便把這些發文刪走。
今午《Dear My Friend,》將會在各大音樂平台上架，而MV會於今晚9時在Youtube推出，不少粉絲表示只看MV預告已感覺震撼、觸動，相信Kin會收到姜濤的心意。
《Dear My Friend,》MV預告畫面
《Dear My Friend,》MV預告畫面
Photo／IG@keung_show
