藝人張繼聰及謝安琪（Kay）在圈中出名恩愛，結婚多年仍不時在網上公開放閃，最近他們去迪士尼享受家庭樂，但張繼聰似乎又憑一句說話就「激嬲」老婆！
兩公婆帶著大仔張瞻（James）及細女張靖（Karina）去迪士尼玩，Karina 當然要試穿公主衫扮靚，張繼聰見到「前世情人」化身小公主，不禁稱「通常等『人哋』或者自己化妝扮靚，都係耐性嘅修練，不過今次，真係一邊等，一邊迷醉，投哂降」，果然爸爸們對著女兒就完全招架不住！
Karina 穿起公主衫超得意！
唔怪得張繼聰睇到「投哂降」
「人哋」無指名道姓，令人聯想說的是否就是老婆 Kay，她也留言「邊個叫『人哋』？個名咁得意嘅」，平淡的一句入面似是帶骨，網友都叫張繼聰準備跪積木、跪鍵盤，又笑指這個帖子是「人哋」的底線修練。
之後張繼聰也立即再出帖「補鑊」，分別上載自己與女兒合照，及 Kay 與大仔合照，寫道「一人一個，唔好爭。」相中見到 14歲的 James 就快與媽媽一樣高，網友都感嘆小朋友長大得很快，又指兩個仔女都比較像爸爸。
好在 Kay 仲有呀仔張瞻陪
兩父女深情對望
Photo / Facebook@張繼聰 Louis Cheung
