男團MIRROR完成兩週年演唱會後，人氣再度飆升，不過人紅是非多，日前成員呂爵安 （Edan）疑被前度指控偷食，網上更流傳他撩女仔的露骨對話，引起網民熱議。
Edan於港大工商管理學學士（BBA）畢業，是MIRROR學歷最高的一員，出道後Edan憑住超強綜藝感及觀眾緣，儲下大堆鏡粉。曾與Edan拍拖3年的大學舊愛Stephanie，近日在IG宣布男友求婚成功，有人多口留言標註Edan，Stephanie竟回覆：「不如尊重埋我，其實戴完帽後都唔會想理佢感受。」暗示Edan曾經出軌。
不少自稱Edan大學同學的人相繼爆料，指Edan確實有出軌，還傳出他挑逗女性朋友的IG對話截圖，內容露骨。不過有粉絲指出，Edan IG帳戶有「藍剔」認證，在截圖中卻沒有，質疑對話是偽造。
其實Edan和Stephanie前年各自在IG宣布分手時，關係似乎仍然友好，女方更以朋友身份為Edan打氣，支持他繼續追夢。
有關Edan的傳聞充斥討論區，今午他終於在IG限時動態提及事件，不過就未有正面回應偷食爭議，「知道有關自己嘅事情被討論中，私人同過去嘅感情事我認為我唔應該作出任何澄清或回應，因為我唔希望會影響任何人。」他又請網民給予當事人空間，「希望大家俾多啲空間事件中嘅人，停止對佢（or佢地）嘅騷擾。我自己亦會繼續專注喺我嘅工作上，感謝大家。」
Photo／Internet; IG@edanlui
