為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now.com娛樂】自2017年C AllStar休團後，4位成員相繼獨立發展，其中何建曦 (SoulJase)的成績相當不錯，首支個人主打歌《Bounce Back》推出後旋即成為冠軍歌。這次SoulJase決心再作突破，創作意識大膽的新歌《禁區》，挑戰人類本能，更找來女歌手鍾舒祺 (Sukie) 陪他直闖男女情慾禁區！
《禁區》同樣由SoulJase的冠軍歌團隊作詞人 Oscar 和 MV 導演 Douglas製作，他說：「呢首歌嘅曲風同我之前嘅好唔同，係比較新派嘅騷靈，我係搵咗 C AllStar 隊友、好兄弟電音 DJ King (吳崇銘) 幫我編曲，編得好正，十分感激佢。」
為了覓得如意女神合唱新歌，SoulJase 足足等了Sukie一年時間，他說：「今次顧名思義係要挑戰禁區，明顯係一首描寫情慾嘅歌，咁好自然就係有關男同女。由一年前開始寫呢首歌就覺得需要一把女聲，而第一個人選就想到 Sukie，不過果陣 Sukie 因為工作要離開香港一段時間，之後我搵咗好耐都未有合適人選，咁終於再問 Sukie，結果佢可以有時間錄，而直到而家我都覺得 Sukie 係不二之選，佢把聲好適合隻歌個 tone，冇人比佢更適合唱呢首歌。」
SoulJase和Sukie同樣風格獨特，充滿個性，旁人看來像一對好友，但他們現實上竟然是素未謀面的陌生人！SoulJase說：「原來我哋入行咁多年都未見過面，完全唔識就搵你合作，係咪好意外？」Sukie 笑說：「我同你第一次見面就係入錄音室錄呢首歌，我講嘅第一句就係『原來我未同你講過嘢㗎』，然後第二句說話就係『外賣食乜呀？』好攪笑。」雖是初次相識，兩人因為音樂理念相近，錄音的時候能夠快速進入狀態。
《禁區》的歌詞字面上含蓄，意思卻露骨，Sukie坦言一開始未能完全理解歌詞：「我一聽隻歌就好鍾意，不過有幾段歌詞啲中文好深，我只係睇到字面上意思，真係到錄音室問番 Soul Jase 至明白佢喑示啲乜嘢。」
有份填詞的SoulJase 補充說：「延續番上兩首歌各有探討人性主題，《禁區》就係直接講人類最真實最原始嘅慾望，放低生活上所有瑣碎事，想做就做，跨越結界認清自己心㽼。」
Sukie 又透露 SoulJase 的「Man爆」一面：「平時我哋歌手都會有自己習慣開嘅唱法，但 SoulJase 佢好清楚自己想要咩好有想法，錄音果陣佢先錄完，然後就講咗佢嘅想法，咁我再配合，果刻我覺得佢好 man，希望佢收貨啦。」
