0
0
〈娛樂乜乜乜〉Mean到想鬧反佢轉頭嘅王貽興

〈娛樂乜乜乜〉Mean到想鬧反佢轉頭嘅王貽興

〈娛樂乜乜乜〉Mean到想鬧反佢轉頭嘅王貽興

【Now.com娛樂】《全民造星II》首60強順利誕生,雖然暫未有哪位具大熱姿態可以穩佔十強,不過評判團的火爆評語已經惹起熱討,當中尤以王貽興的表現最惹火,紛紛質問使唔使咁mean呀?

有幾mean?節錄幾句俾大家睇。
「你行出嚟嘅話,你似返粒星啊,如果唔係你真係X那星唔好過嚟啦唔該。」
「如果你話你頭先做完嗰劈嘢(表演),你心虛嘅話,我都仲覺得你係一個人。」
「你不如單純地﹑用心地做好一個表演,唔好搞埋晒一大堆立雜嘢,我都唔知你做乜!」

王貽興是5組評判中最多金句的,表情亦相當豐富。

都真係幾mean,無端端俾人X那星,係人都嬲!!但實情又係咪咁無端端?那句評語是給予59號參賽者彭家賢,他在個人簡介上寫上「如果覺得我張相夠白痴就投票畀我啦」。這個節目是要選星,而簡介就似一份履歷,要將自己最好的盡情顯現出來,就算想突圍而出,都要有技巧,而唔係將自己裝扮到好傻去取悅人。其實王貽興仲附帶一句︰「無人有興趣理你私底下係咪戇X,係咪傻仔,你嘅事嚟嘅。」又講得幾啱。

係難聽的,但這算是負責任的一則評語,好過路人甲在鍵盤上問候你娘親。

至於「嗰劈嘢」就係話81號參賽者陳勇龍,在無才藝下以極不啱key的歌藝唱出〈分分鐘需要你〉,還要扮唔記得歌詞邊啦啦啦邊跟其他參賽者握手,是一場自以為好好笑的表演。更致命是被問到點解要咁做,他稱好爽!而當時節目已由早上10點錄到清晨4點,捱更抵夜睇到呢啲表演你可以唔嬲?

22號的謝鎮山,在比賽時以唱歌加演戲方式唱出《一晚長大》,結果兩邊不討好,「唔好搞埋晒一大堆立雜嘢,我都唔知你做乜!」絕對是一個中肯的評價,不是mean,只是嚴厲,又其實評判沒有義務友善的,鬧下你都係想你記入心,留下一個警剔以後不要再犯。使唔使咁mean?平時你喺鍵盤上打嘅留言,咪仲mean仲唔使負責任!

參賽者只有硬著頭皮接受批評。

其實每個參賽者出場前,電視台都剪輯一些事前準備和日常言行的畫面,令你對參賽者有初步判斷,不過評判沒有這些資訊,他們望到參賽者的第一眼,就是站在台上的一刻。他們只知道你這個分半鐘表演好冇睇,好無笑,而唔會知你背後原來捱10晚通宵練習,最後練到拗柴,然後為追夢3個月無收入,女朋友反對仲分手……這些故事只有你紅咗大家先有興趣聽。好殘忍?係呀,但只要你捱得過,你就是最後勝利!

文:余建

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

余建FB專頁::https://www.facebook.com/Stupid.View
  1. 更多
  1. 駱惠寧:有別有用心人士抹黑港區國安法的落實
    駱惠寧:有別有用心人士抹黑港區國安法的落實
    37分鐘前
  2. 得州確診個案破萬宗創單日新高
    得州確診個案破萬宗創單日新高
    29分鐘前
  3. 【7月8日疫情速報】(11:10)
    【7月8日疫情速報】(11:10)
    36分鐘前
  4. 林鄭月娥:中央駐港國安公署成立是執行機制的里程碑
    林鄭月娥:中央駐港國安公署成立是執行機制的里程碑
    1小時前
  5. 衞生署職員到黃大仙扶輪中學收集樣本瓶
    衞生署職員到黃大仙扶輪中學收集樣本瓶
    1小時前
  6. 特朗普:考慮封殺TikTok
    特朗普:考慮封殺TikTok
    2小時前
  7. 彭博:美國總統特朗普幕僚考慮削弱港元聯繫匯率
    彭博:美國總統特朗普幕僚考慮削弱港元聯繫匯率
    2小時前
  8. 巴西總統博索納羅確診感染新冠病毒 已取消原定行程
    巴西總統博索納羅確診感染新冠病毒 已取消原定行程
    3小時前
  9. 中央駐港國安公署早上舉行開幕禮
    中央駐港國安公署早上舉行開幕禮
    3小時前
  10. 美聯儲官員:疫情擴危害經濟復甦
    美聯儲官員:疫情擴危害經濟復甦
    4小時前