0
0
〈娛樂乜乜乜〉有女神都唔滿足?

〈娛樂乜乜乜〉有女神都唔滿足?

〈娛樂乜乜乜〉有女神都唔滿足?

【Now.com娛樂】今朝起身見到蘋果做咗個陳炳銓訪問,都幾詳盡。首先,邊個係陳炳銓呢?

佢係ViuTV藝人,都做咗一段時間,有做主持、演員,威水史係去過南極跑圈。

仲未知邊個?好,簡單啲,即是李佳芯男朋友。「哦!原來係佢!」華人社會普遍對女仔成功過男仔嘅關係有偏見,我對佢哋自己嘅諗法難免感興趣,但可能佢做開主持,講嘢滑嘟嘟,似乎就聽唔到幾多真心話,反而訪問另外一part有趣得多。

嗰part係畀幾個索女佢排所謂女神名次,包括莊端兒、三上悠亞,同埋佢自己個女朋友李佳芯等等。結果佢排咗莊端兒第一,李佳芯第尾,好多人應該心諗有無搞錯?莊端兒係正,但講到女神級,李佳芯樣貌身材都唔輸,氣質仲贏幾條街,陳生你究竟識唔識揀㗎?

莊端兒經常以性感裝扮示人。(圖/ Xenia Chong 莊端兒@FB)
李佳芯則走甜美氣質路線(圖/ Ali•李佳芯@FB)

但諗真,如果我係佢,可能都會咁樣揀。首先部分係戲劇效果啦,出嚟宣傳都想畀人起條靚啲嘅題,唔難理解。其次,男人心態確實係得唔到嘅永遠有更大想像空間。陳佳芯人人話好,但你哋又係咪同佢住呢?陳生識佢於微時,可能都仲係牛屎妹未變女神,無修飾過嘅女神一定無其他人睇咁女神,呢個係真。

唔關新鮮感事,亦唔係男人得一想二嘅問題(始終呢個唔係男性獨有嘅問題),而係純粹男人角度,我其實贊成女仔唔好初相識就將自己所有嘢都一炮過畀晒人,男仔都一樣啦,互相留啲想像空間畀對方發掘,唔係嘅話就算李佳芯都變凡人。唔係戰術,呢啲係情趣。

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

  1. 更多
  1. 醫生:若孕婦接種新冠疫苗後出現嚴重反應或影響胎兒
    醫生:若孕婦接種新冠疫苗後出現嚴重反應或影響胎兒
    6小時前
  2. 醫管局延長公私營協作計劃 涵蓋專科及普通科門診
    醫管局延長公私營協作計劃 涵蓋專科及普通科門診
    5小時前
  3. 歐藥管局正審視強生疫苗引血栓 料下周公布結果
    歐藥管局正審視強生疫苗引血栓 料下周公布結果
    5小時前
  4. 【4月14日疫情速報】(23:45)
    【4月14日疫情速報】(23:45)
    5小時前
  5. 商人李亨利涉資助危害國安活動 判囚11年
    商人李亨利涉資助危害國安活動 判囚11年
    5小時前
  6. 十人接種疫苗後不適送院 一人留院九人出院
    十人接種疫苗後不適送院 一人留院九人出院
    5小時前
  7. 【持續更新】新型冠狀病毒疫苗接種資訊
    【持續更新】新型冠狀病毒疫苗接種資訊
    6小時前
  8. 院舍外展接種安排開展 共七人打疫苗
    院舍外展接種安排開展 共七人打疫苗
    6小時前
  9. 歐盟就疫苗護照法律條文草案達成共識
    歐盟就疫苗護照法律條文草案達成共識
    6小時前
  10. 政府積極籌備今年成立公務員學院
    政府積極籌備今年成立公務員學院
    7小時前