0
0
〈娛樂乜乜乜〉星期日,你撐阿姐定Do姐

〈娛樂乜乜乜〉星期日,你撐阿姐定Do姐

〈娛樂乜乜乜〉星期日,你撐阿姐定Do姐

【Now.com娛樂】暑假完了,正式開學。近年TVB每逢夏日,都會叫一個Amazing Summer的口號,為大家製作一系列暑假收看的節目,例如劇集和綜藝等。老實講,過往的青春劇集或夏水禮式節目,近年都懶得拍,故節目安排同夏天根本無乜大關係,你話聖誕獻禮,端午呈獻都得。不過咁,留低嘅都係一份心意,有個口號嗌下咁。

就好似逢周日,就派出兩大阿姐級主持兩個遊戲節目,汪明荃就聯同蘇永康、森美和余德丞主持《娛樂大家》,以玩一個變種「狼人殺」遊戲為主。而鄭裕玲Do姐就跟農夫拍檔主持《Do姐有問題》,一如以往去世界各地考考大家一些風土人情,新奇異事。

阿姐鬥阿姐,你撐邊個呢?先講《娛樂大家》,人強馬壯,主持都4個,加上每集的嘉賓,10幾個藝人玩遊戲,夠晒熱鬧。

起初是玩類似非洲話事啤,輸咗要戴鬼五馬六的頭飾。雖然過程有時都幾好笑,但所謂的懲罰太斯文唔得過癮抵死,正氣健康得滯,睇到觀眾唔肉緊。最近轉玩仿傚狼人殺的「狼人宮廷版」,這類遊戲台灣韓國都早有注入電視節目內,要好睇一定要嘉賓熟悉遊戲規則又要好演技,如果一集有一兩個呢類嘉賓已經好好,但真係可遇不可求,變相大多數時間都係靜態地睇攝影師運鏡,悶氣自然來。

阿姐一坐低,霸氣自然嚟。

至於《Do姐有問題》,一個已經做咗兩輯嘅節目,加上都係睇片猜猜猜,縱使中間多咗功能卡運用,不過都唔難理解,一睇就明,自然投入得多。不過遊戲好唔好玩都係其次,主持人好唔好玩先係關鍵。

Do姐搭農夫呢個組合,可以話係無敵,兩位後輩自嘲得嚟又會自信地進行反擊,下下踩鋼線式挑戰權威的嘴炮,睇到人相當興奮。而Do姐都不是弱者,下下撐到行,有時又用歪理正講,好有氣氛。特別推介睇王嘉爾做嘉賓那集,箇中的單單打打好睇過任何球類比賽。相對起阿姐,縱使森美在場也不敢亂來,都要對她恭恭敬敬,更枉論蘇永康與余德丞,感覺就好似在家長陪同下玩集體遊戲咁,其實阿姐都已經好放下身段,不過性格就係性格,就係威嚴。

Do姐與農夫這對組合,暫時都未見失手。

所以玩遊戲,都係唔好帶埋家長去會盡興啲。不過又想知,如果兩個主持組合來個對調,在Do姐農夫主持下的《娛樂大家》,會唔會真係做到娛樂大家呢?

文:余建

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

余建FB專頁::https://www.facebook.com/Stupid.View
  1. 更多
  1. 消息:威院一名女患者初步確診 近期沒有外遊紀錄
    消息:威院一名女患者初步確診 近期沒有外遊紀錄
    41分鐘前
  2. 【5月30日疫情速報】(20:40)
    【5月30日疫情速報】(20:40)
    6分鐘前
  3. 美抗議警員過度武力示威 一名男子在示威現場中槍死亡
    美抗議警員過度武力示威 一名男子在示威現場中槍死亡
    18分鐘前
  4. QR818航機有近兩成人確診 暫時確診比例最高航班
    QR818航機有近兩成人確診 暫時確診比例最高航班
    2小時前
  5. 彭定康:港區國安法危及香港國際金融中心地位
    彭定康:港區國安法危及香港國際金融中心地位
    3小時前
  6. 香港眾志料國安法越快立法美國越快制裁
    香港眾志料國安法越快立法美國越快制裁
    3小時前
  7. 本港新增三宗輸入個案 全由巴基斯坦返港
    本港新增三宗輸入個案 全由巴基斯坦返港
    3小時前
  8. 【持續更新】香港新型冠狀病毒肺炎確診個案追蹤
    【持續更新】香港新型冠狀病毒肺炎確診個案追蹤
    4小時前
  9. 人民日報:堅決反對外部勢力干預香港事務
    人民日報:堅決反對外部勢力干預香港事務
    4小時前
  10. 張建宗:港區國安法不影響港人權利和自由
    張建宗:港區國安法不影響港人權利和自由
    6小時前