0
0
〈娛樂乜乜乜〉佢只係比較Dramatic

〈娛樂乜乜乜〉佢只係比較Dramatic

〈娛樂乜乜乜〉佢只係比較Dramatic

【Now.com生活】你身邊有冇一個咁樣嘅人?講嘢浮誇,小小整親講到就嚟死咁,蝕底啲就將自己變成背負不平等條約嘅受害者,做啲好minimum嘅事會講到好似擔完泥咁,誇張到死,見完佢都覺得攰。

但人有幾面,呢個人同時又好受朋友歡迎,因為佢可以將一啲平淡嘅陳年往事,講到好似拍緊戲咁,佢源源不絕嘅表演慾令到所有人都被entertained。佢浮誇,但你會欣賞佢嘅投入。

我身邊就充滿咁嘅人,見怪不怪,雖然有時佢哋講嘢信一成都雙目失明,但通常都係啲唔緊要嘅事佢哋先會咁處理,基本上我會歸類為好人,值得交嘅朋友。

張栢芝在內地節目中表示自己從來未食過肉。

當然都理解唔係人人都鍾意佢哋,所以當新聞挖番栢芝講過嘅浮誇嘢,例如每日會煮兩個餸畀仔食(但又答唔出個仔鍾意食乜),食素未食過肉(但佢有食肉),同埋乜鬼連瞓16日,但拍戲可以三個月唔瞓,又真係黑人問號,唔使講呢個一定係大話精。

事後卻被網民翻出舊影片,證實她曾「大口吃肉」

人嘅嘢,如果你只睇到佢衰嗰面,叫佢大話精都算畀面啦。以我習慣,聽呢類人講嘢,佢話日日煮就當佢間中煮,未食過就即係少食,連瞓16日咪連瞓16粒鐘囉,三個月唔瞓,畀到盡三日冇瞓。

咁點解佢哋要將啲事誇張咁多呢?唔知㗎喎,可能天生性格係咁;可能係童年缺乏關注,係要咁誇張先有人理;可能佢成長時身邊都係同類人,潛移默化;可能佢一路走來,係要咁先生存到。

或者,佢就係享受咁dramatic。無論原因係乜,只要佢冇傷害其他人,佢都只係一個比較dramatic嘅人又有乜所謂。

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

魯連FB專頁::https://www.facebook.com/lolinhk
  1. 更多
  1. 何詩蓓女子200米自由泳晉級決賽 成首位躋身奧運游泳決賽香港泳手
    何詩蓓女子200米自由泳晉級決賽 成首位躋身奧運游泳決賽香港泳手
    3小時前
  2. 多兩名奧運選手確診 一人是荷蘭網球員
    多兩名奧運選手確診 一人是荷蘭網球員
    10分鐘前
  3. 歐美多國推出新措施「谷針」
    歐美多國推出新措施「谷針」
    11分鐘前
  4. 7月27日東京奧運賽事速報 (13:45)
    7月27日東京奧運賽事速報 (13:45)
    12分鐘前
  5. 科興發表臨床研究 部份論文作者指第三劑或必不可少
    科興發表臨床研究 部份論文作者指第三劑或必不可少
    26分鐘前
  6. 【感謝支持】張家朗︰想不到比賽凝聚港人 現備戰團體賽沒留意獎金獎品
    【感謝支持】張家朗︰想不到比賽凝聚港人 現備戰團體賽沒留意獎金獎品
    28分鐘前
  7. 【招聘啟事】記者
    【招聘啟事】記者
    54分鐘前
  8. 【7月27日疫情速報】(13:05)
    【7月27日疫情速報】(13:05)
    52分鐘前
  9. 駐伊拉克美軍年底前結束戰鬥任務 拜登:續訓練和協助伊政府軍
    駐伊拉克美軍年底前結束戰鬥任務 拜登:續訓練和協助伊政府軍
    1小時前
  10. 周四起70歲或以上長者可領即日籌接種新冠疫苗
    周四起70歲或以上長者可領即日籌接種新冠疫苗
    1小時前