【Now.com娛樂】唔知係咪因為近年尾，喜事特別多呢？繼昨日蕭正楠喺大台頒獎禮宣布黃翠如係「蕭太」，張柏芝今朝又首認誕第三胎後，今午周勵淇喺社交媒體宣布已經完婚！
現年39歲嘅周勵淇原來早前已經喺海外舉行婚禮，低調完成婚禮儀式，只係請咗家人們出席。相入面見到老公傅浤鳴同佢都笑得好甜蜜幸福洋溢，男才女貌相當合襯！
周勵淇公司亦祝願一對新人甜密恩愛，代表周勵淇多謝大家的關心同祝福！
