0
0
〈娛樂乜乜乜〉唔好出人命先嚟後悔

〈娛樂乜乜乜〉唔好出人命先嚟後悔

〈娛樂乜乜乜〉唔好出人命先嚟後悔

【Now.com娛樂】香港人想睇場演唱會啫,點解咁艱難?一係捱黃牛價,一係排隊。但就算早兩個禮拜去紮營,日曬雨淋都唔夠南亞黨排,甚至要輸畀啲報紙、水樽,做人做到咁都算屈辱。但排唔到,以前最多無得睇,而家可能連命都無,瞓瞓吓張開眼,可能隨時見到刀光劍影,排隊排到劈友,真乃香港奇景,就算唔係劈自己,但刀劍無眼,為條命仔都要閃啦!

同一個月內,兩場演唱會開賣,都出現斬人暴力事件,先係月頭林俊傑,然後琴日到劉德華。發生得咁頻密,以後排隊買飛仲係咪安全呢?喂下年有張學友落實會開,鄭秀文、陳奕迅、容祖兒都好大機會,全部都係搶到要生要死嘅show,但劈過兩次友之後,你仲夠唔夠膽去排?我就唔敢喇。

我好同情JJ同劉德華,作為歌手佢哋可以做嘅唔多,咪開吓聲叫人唔好買黃牛囉,拍吓片叫人小心啲囉,佢哋可以點啫?唔通每晚自己落去巡?定係取消個演唱會佢?唔得嘛,同主辦簽晒約,就算係劉華呢種在圈中咁大影響力嘅人,都唔係一個人話晒事。但你話成個行業都無嘢做到咩?真係搵鬼信!點解演唱會文化會變成今日咁衰?咪又係從正常一點一滴改到而家咁,為咗搵食,適應力不知幾強,一路唔變,就係唔想變,呃唔到人。

以前就話理得你買唔買到飛啫,佢有sponsors認晒頭,肯定有錢落袋咪得囉。又係喎,在商言商,明明賺硬嘅事,點解要搞咁多嘢?乜嘢實名制,搞得好又唔會賺多咗,搞唔好又被人怨到爆,仲要得罪長期合作贊助商,好不容易建立嘅生金蛋機器,何苦要郁佢?

但而家開始失控,流血喇,事情就唔同講法。你話如果touchwood,呢兩件暴力事件中,有人不幸被斬死,出人命,會有咩後果?首當其衝一定係歌手啦,學劉華話齋,佢都係想人開開心心去睇演出啫,如果因為咁而出人命,人哋唔多唔少都會入佢哋數。JJ應該都唔會再想嚟香港開騷,劉華都可以準備定退休。賣緊嘅演唱會,幾多場都好,睇怕都要取消,仲點開呢?輿論壓力都頂唔住啦!

亦都好難過到自己良心。做生意幾時最好都係雙贏,佢有得賺,你又開心,咁大家都有下一次,除非思想好極端,否則都唔會想搞盤生意出嚟累死人。業界真係唔可以再當無事發生,一定要坐低檢討千瘡百孔嘅演唱會制度,否則到有事發生,一切都太遲,當佢由頭到尾乜都無做過,到時再講唔關自己事,就無人會想聽。唔該,真係乜都好,做啲嘢嚟睇吓,慢慢改都好過完全唔改,出事㗎!

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

 

魯連FB專頁::https://www.facebook.com/lolinhk
  1. 更多
  1. 政府再收緊台星抵港者檢疫及檢測安排
    政府再收緊台星抵港者檢疫及檢測安排
    7小時前
  2. 紐時:蘋果為中國巿場將客戶資料儲存於中國國企伺服器
    紐時:蘋果為中國巿場將客戶資料儲存於中國國企伺服器
    4小時前
  3. 【5月18日疫情速報】(23:20)
    【5月18日疫情速報】(23:20)
    5小時前
  4. 過去兩周六人接種疫苗後死亡 專家委員會:與接種無關
    過去兩周六人接種疫苗後死亡 專家委員會:與接種無關
    6小時前
  5. 新加坡批准12至15歲青少年接種輝瑞新冠疫苗
    新加坡批准12至15歲青少年接種輝瑞新冠疫苗
    6小時前
  6. 最高人民法院院長周強會見首席法官張舉能
    最高人民法院院長周強會見首席法官張舉能
    6小時前
  7. 深圳華強北賽格大廈搖晃 初步判斷大廈自身結構造成
    深圳華強北賽格大廈搖晃 初步判斷大廈自身結構造成
    6小時前
  8. 【持續更新】新型冠狀病毒疫苗接種資訊
    【持續更新】新型冠狀病毒疫苗接種資訊
    6小時前
  9. 【政情】房屋問題料成中央選特首關鍵 林鄭梁振英隔空土地大辯論
    【政情】房屋問題料成中央選特首關鍵 林鄭梁振英隔空土地大辯論
    6小時前
  10. 台灣七家醫院有人確診感染新冠病毒
    台灣七家醫院有人確診感染新冠病毒
    7小時前