0
0
〈娛樂乜乜乜〉美女廚房 拍咗先講

〈娛樂乜乜乜〉美女廚房 拍咗先講

【Now.com娛樂】有太多經典只容重播不容重拍!TVB最新的遊戲節目,新一輯《美女廚房》回歸,這個念頭由上年底的節目巡禮已有聽聞,當時第一個反應不是期待,而是擔心。

雖然《美女廚房》本身都是沿自日本的遊戲節目《愛的圍裙》,不過經過本地化,成為當年最高收視的綜藝節目。節目名有「美女」有「廚房」,好自然將重點落到今輯班女仔靚唔靚先?有邊個做地獄廚神呀?其實呢啲統統都係後話,決勝負的是主持人!

舊版主持是鄭中基、方力申、梁漢文,好睇之處係鄭中基屬於賤嘴主攻,極力在電視尺度下說出一種能入屋的賤;方力申是從旁插科打諢,但偶然幾下助攻又跟他向來的健康形象有種衝突喜感;而梁漢文就是做受虐角色,由於一副真誠的面孔,但凡食到嘔食到標晒眼淚水的演出交給他處理,會多幾分真實感,幾分同情。這就是主持要有的火花,就是默契。

來到新版,主持人是林盛斌(Bob)、蕭正楠、張振朗,未講表現如何,先講觀眾緣,3位只算是中游位置,有時更會陷入被攻擊系列。3位不是傻,看似身負重任,其實是三煞位,所以第一集出場就先以自嘲方式緩和氣氛,笑自己講嘢嘈、寸自己冇演技、話自己成日扮張智霖,有種知衰自隊一杯的感覺。

老實講,3位主持都係非戰之罪,因為未落場大家都已經噓定先。
農夫做嘉賓表現非常好,做主持會否更得!

再睇落去,節目內容大致一樣,都係搵幾位靚女,煮一些不堪入目的菜式出來,等一班男士評頭品足又吐又嘔咁大笑一集。不過以首集計,3位嘉賓的成品唔太差,過程亦唔算雞手鴨腳,在欠缺笑位下,主持人只好盡情發功,自製笑點去填補冷場,但正正是這些發功位,便高下立見,不是搵嘢嚟挑剔,就為反應而俾反應,顯得尷尷尬尬。暫且不跟上一代主持人比,但就咁睇係連嘉賓農夫的爆炸力都有所不及。

 

一班美少女助手,全程坐後排,都好難認得到咁多位。

說到底,TVB硬要將一個經典節目重啟,相信是諗住打隱陣牌,冇十足收番七成都好,而且將拍攝廠景加大3、4倍,所有廚具硬件都精緻美觀,負責搞氣氛嘅美少女助手也由粥粉麵飯4位增至18位,已經好有誠意吧!但偏偏就係重複犯了一個錯,輕視人才的重要。現在就如一部續集電影,主角都不同了,你硬加大量爆炸飛車動作去充斥場面也是多餘,唔會想睇。

《美女廚房》的經典口號係「食咗先講!」,睇嚟今次TVB要硬拍第二輯的決心,都係本住呢個忠旨,「美女廚房,拍咗先講!」

  1. 更多
  1. 遊行上訴委員會決定721遊行終點在灣仔
    1小時前
  2. 藝人任達華中山遇襲受傷 疑犯被當場制服
    53分鐘前
  3. 荃灣檢獲懷疑爆炸品 單位內有政治標語衣物
    53分鐘前
  4. 曾鈺成:目前最佳方法非要求官員問責下台
    1小時前
  5. 蔡英文在丹佛演說再提及香港
    1小時前
  6. 北美多個城市遭熱浪襲擊
    1小時前
  7. 威尼斯有遊客在景點煮咖啡被罰款
    1小時前
  8. 民建聯約見港鐵促檢視沙中綫通車安排
    1小時前
  9. 藝人任達華中山遇襲腹部中刀
    3小時前
  10. 默克爾強調健康無恙
    3小時前