【Viu】上星期BTOB陸星材就黎到香港，同一班Melody (BTOB粉絲)度過左一個難忘既夜晚，陸星材除左展現佢既歌喉，令一眾Melody聽出耳油，當然唔少得同Melody一齊玩遊戲，睇下睇下，又係selfie又係攬攬，簡直羨慕死人啦!當晚，星材以一曲《Tell Me》登場，全場粉絲隨即尖叫歡呼，之後星材仲用廣東話同大家打招呼。星材既廣東話實力確實唔惹少呀，仲係舞台上同Melody玩估歌仔遊戲，聽住廣東歌唱番出黎，佢以高八度聲線將所有歌演譯出黎，令到全場氣氛都推到最高點，星材進步神速既廣東話，再加上自身既非凡音樂感，令到粉絲好快就估中，到底星材出左邊幾題，睇睇你又估唔估得中? 答案:《多啦A夢》，呢題太易，呢題又點睇 答案係《帝女花》呀，甘刁鑽既問題都唔倒星材同班Melody，果然偶像同粉絲係一心同體~聽落係咪好耳熟呢，咪就係《皆大歡喜》 見星材甘投入玩遊戲，睇到大家都笑甩幾斤腩肉，當然Melody亦都為星材送上左佢地粉拍video禮物，內容係星材自選秀至今一直成長既片段，以及Melody既祝願，睇到星材好感動呀，佢仲話希望Melody唔好覺得佢辛苦，佢好享受依家所做既事，會更加努力，如果佢唔黎香港既話，希望粉絲去韓國搵佢，甘窩心搞笑既星材，真係好難唔俾佢既魅力吸引。
