0
0
〈娛樂乜乜乜〉一架的士坐唔晒的幸福

〈娛樂乜乜乜〉一架的士坐唔晒的幸福

〈娛樂乜乜乜〉一架的士坐唔晒的幸福

【now.com娛樂】幾乎忘記張新悅呢個人,太耐無見過佢,我入行做記者時佢都接近淡出,見過兩次面,幾有傲氣嘅一個女仔(補充番:有傲氣唔代表無禮貌)。尋日睇咗佢拍條片,將自己當年首歌《一不小心》改編做《一不小心2018大肚婆》,招牌雞仔聲依然,但真係好溫馨,恭喜佢懷第四胎!我諗唔到,一個根本唔熟亦忘記咗差不多十幾年嘅人,見到佢嘅喜訊居然感動到有啲眼濕濕;亦估唔到,一個當年睇落完全係女強人性格嘅張新悅,居然咁生得,由女強人變成超級媽媽,陀第四個都仲係好靚。

老實講,佢唱歌依然係咁渣,但唔知點解再聽番又覺得好好聽,可能呢啲就叫窩心,或者天氣太凍咁啱首歌又好暖。當見到佢三個女都咁得意,逐個去同仲在肚皮內未出世嘅細佬/妹妹打招呼同自我介紹時,感覺呢家人真係好溫馨。我明白,亦見到唔少人批評佢哋想追個仔先生到第四胎咁緊要,會唔會太封建?其實每家人嘅期望都唔同,亦唔知佢哋嘅原因,咁我寧願好好祝福佢哋,畢竟又唔係被逼去生,其他人有乜資格去judge佢哋呢?

其實大家庭有大家庭嘅好,我自己屋企就係三兄妹,太太仲犀利,四姐妹。的確,在香港生兩個或以內係方便啲嘅,因為生到第三個,會發覺出街搭車好鬼麻煩,下下打仗一樣,而家的士好多仲係坐得四個人,所以我太太從細到大幾乎唔搭的士。屋企亦會非常嘈,個人空間係非常非常奢侈嘅事,人哋通常話:「我返屋企靜吓。」我要靜係要出街先有。鬧起交上嚟,五把口一齊嗌,老竇老母用大你兩倍嘅聲叫你唔好嘈,真係頭都痛埋。好處就好明顯,好細個就學識忍讓遷就,學識錫屋企人,大嘅保護細,細嘅跟實大,有嘢一齊玩有鑊一齊揹,直至長大成家立室都仲係有商有量,遇到任何問題都多人幫手,照顧父母亦可以分擔。換句話講,你永遠唔會孤獨,背後亦永遠有人支持。

所以就算最後張新悅今次都係追唔到仔又如何?有四個女一樣可以係開心事,個天俾乜你控制唔到,但睇法可以選擇,我只可以講四姐妹組成嘅家庭係可以好熱鬧又好冧嘅,我睇到我外父就明晒。

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

魯連FB專頁::https://www.facebook.com/lolinhk/
  1. 更多
  1. 47人被控顛覆國家政權 據了解控方指各被告串謀策劃犯案長達7個月
    47人被控顛覆國家政權 據了解控方指各被告串謀策劃犯案長達7個月
    2小時前
  2. 中大學生會內閣「朔夜」辭職 指受到校方前所未有壓力
    中大學生會內閣「朔夜」辭職 指受到校方前所未有壓力
    12分鐘前
  3. 袁國勇:名潮食館茶水間內放置餐具或成另一播毒源頭
    袁國勇:名潮食館茶水間內放置餐具或成另一播毒源頭
    25分鐘前
  4. 昂山素姬視像出席法院聆訊 被加控兩項罪名
    昂山素姬視像出席法院聆訊 被加控兩項罪名
    22分鐘前
  5. 名潮食館群組增至48人現二代傳播 涉及大角咀黃頌仁醫生醫務所
    名潮食館群組增至48人現二代傳播 涉及大角咀黃頌仁醫生醫務所
    26分鐘前
  6. 梁美芬倡增設委員會 審議選委會參選人資格
    梁美芬倡增設委員會 審議選委會參選人資格
    32分鐘前
  7. 外交部回應美國務卿評論民主派初選被拘控案件 促美方尊重法治
    外交部回應美國務卿評論民主派初選被拘控案件 促美方尊重法治
    35分鐘前
  8. 中國國務院報告批評美國抗疫不力
    中國國務院報告批評美國抗疫不力
    1小時前
  9. 美國務卿譴責民主派初選被拘控事件 外交部促美方停止干涉中國內政
    美國務卿譴責民主派初選被拘控事件 外交部促美方停止干涉中國內政
    1小時前
  10. 袁國勇:相信名潮食館感染群組由短距離空氣傳播引起
    袁國勇:相信名潮食館感染群組由短距離空氣傳播引起
    1小時前