0
0
〈娛樂乜乜乜〉選擇性道德潔癖

〈娛樂乜乜乜〉選擇性道德潔癖

〈娛樂乜乜乜〉選擇性道德潔癖

【now.com娛樂】限奶令下,依然見大台幾個姐仔冒死露乳溝,係咪代表呢啲無謂嘅限制已經完呢?非也非也,皆因限奶令係由上而下,即由大陸延伸到香港,所謂一連串文化教育(呢4隻字見到都打冷震)其中之一,大石壓死蟹式一層壓一層壓到落嚟香港,所以我哋要睇返個源頭。最近大陸廣電局再加多幾條例,專門針對唔夠高尚、低俗、唔夠格調、有道德問題嘅藝人,要打擊佢哋,唔畀佢哋曝咁多光。係咪好似去返小學咁呀?你無剪手指甲,罰抄!你條裙太短,罰留堂!你染髮,見家長!

其實係慘過返小學,小學都有套準則,指甲同校裙都講得出畀你聽長咗幾多短咗幾多,死都死得眼閉。但低唔低俗呢啲嘢好主觀喎!同埋學生罰還罰,都仲可以返學,而家直頭係踢你出校,你唔好返嚟畀人見到呀你!真陰功,最可怕係朝令夕改,你過到今次唔知下次佢玩邊樣。好似限完奶之後,而家就搞啲紋身,上鏡打格都唔夠,最近直頭有聲音話唔畀出鏡。大佬,紋身係一種文化,以前就話身上有公仔係黑社會,而家大陸邊度有黑社會?紋得身嘅,覺得靚又有,圖案越來越藝術;為紀念又有,可能係走咗嘅家人朋友或者寵物,甚至伴侶或者小朋友嘅名、日期;想表達想法嘅又有,世界和平男女平等我乜都唔驚等等。同著衫有乜分別?同揸車有乜分別?你著皮草揸超跑炫富就得,我紋個靚圖案就唔畀?究竟誰比誰高尚?

岳飛背脊都有紋身,佢阿媽紋嘅,咁《滿江紅》仲讀唔讀得?好喇你以前又唔出聲,無啦啦話要禁,咁紋咗嘅人可以點?唔通好似《PTU》咁,咩事咁邋遢,捽甩佢?就算捽得甩都唔會囉,過一排又無咗呢個限制,咪好傻仔?品德、格調,唔係睇有無紋身,係睇一個人嘅行為操守,紋身可以高尚,講粗口都唔代表無禮貌,大陸娛樂圈咁多報大數、洗黑錢、行賄、走資,真真正正罪惡根源你就包容,紋身呢啲文化你就DQ。呢班藝人嚟㗎咋,唔係偉人呀,佢哋真係做吓戲唱吓歌,唔使咁乾淨㗎,反而對社會大影響嘅就由得佢污糟落去,呢種選擇性道德潔癖,係因為上面太忙定係警覺性不足,先至出現㗎?

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

  1. 更多
  1. 盧溢燊藏炸藥案囚12年 官指宣揚港獨刑罰須具阻嚇力
    盧溢燊藏炸藥案囚12年 官指宣揚港獨刑罰須具阻嚇力
    7小時前
  2. 袁國勇:外傭檢疫期未能驗出陽性 可能是採樣問題
    袁國勇:外傭檢疫期未能驗出陽性 可能是採樣問題
    1小時前
  3. 多10人接種疫苗後不適送院 4人須留院觀察
    多10人接種疫苗後不適送院 4人須留院觀察
    1小時前
  4. 袁國勇:不排除初確菲傭於檢疫酒店內經空氣傳播感染
    袁國勇:不排除初確菲傭於檢疫酒店內經空氣傳播感染
    1小時前
  5. 【持續更新】新型冠狀病毒疫苗接種資訊
    【持續更新】新型冠狀病毒疫苗接種資訊
    2小時前
  6. 當局撤離堅尼地道8號大廈30多名居民
    當局撤離堅尼地道8號大廈30多名居民
    2小時前
  7. 【4月23日疫情速報】(22:35)
    【4月23日疫情速報】(22:35)
    2小時前
  8. 海怡半島第10座封區檢測 有居民指大廈渠管有滲漏
    海怡半島第10座封區檢測 有居民指大廈渠管有滲漏
    2小時前
  9. 日本向四都府縣發緊急事態宣言 冀遏止疫情長假期擴大
    日本向四都府縣發緊急事態宣言 冀遏止疫情長假期擴大
    3小時前
  10. 【政情】譚文豪保釋被拒判詞惹熱議 美約見成不利因素 民主派恐懼蔓延
    【政情】譚文豪保釋被拒判詞惹熱議 美約見成不利因素 民主派恐懼蔓延
    3小時前