0
0
〈娛樂乜乜乜〉人老無所謂 心境老就離晒地

〈娛樂乜乜乜〉人老無所謂 心境老就離晒地

〈娛樂乜乜乜〉人老無所謂 心境老就離晒地

【now.com娛樂】繼續講叱咤,趁仲有感覺。話說今年我最喜愛的歌曲由ToNick《長相廝守》奪得,呢個獎不嬲都係近年叱咤嘅攞分位,有時頒俾當年無可替代嘅song of the year,好似《夕陽無限好》、《酷愛》、《囍帖街》等;或者頒俾一啲有效應嘅歌曲嚟呼應返潮流或者社會,例如《那些年》、《年少無知》、《撐起雨傘》等。《長相廝守》明顯係屬於前者,過去一年聽到呢首歌嘅頻密程度同埋洗腦程度,個人認為只有JW同坤哥首《原來只因深愛著》可以一拼(但奇怪呢首居然五強不入)。

老實,都見到唔少質疑,有傳媒話《長相廝守》爆大冷,雖然睇得出係無乜聽歌又要交稿侷住寫,但都尚算客氣,網上唔少人直頭直呼未聽過,唔止首歌未聽過連ToNick都未聽過。咁其實好難傾落去係嘛?我想反問佢哋其實聽過啲乜呢?如果一個人走出嚟評論年度之歌嘅資格,起碼佢都要經常聽廣東歌先啦。若用正常途徑聽,播吓YouTube聽吓streaming app開吓收音機,佢點可能未聽過《長相廝守》?如果佢日日開無綫就當自己認真聽緊廣東歌,咁算啦就當我唔著。

話自己聽開廣東歌但又完全未聽過ToNick亦都好難講得通,除非完全唔留意新事物而純粹聽上個年代嘅歌,否則人哋出道近十年,雖然叫做係獨立樂隊,但只要正常上吓網都會聽過佢哋嘅作品,因為佢哋成日都唱啲所謂網歌,即是呼應網絡文化或者翻唱討論區改詞作品,仲幾受歡迎。寫關心妍攞錯獎嘅《關心菊英》未聽過?關心妍自己都唱過喎!黃子華名句《你對我已經唔係好似以前咁》未聽過?講朋友借錢唔還,超過200萬點擊率嘅《Last Christmas》未聽過?ViuTV《回憶備份》有無睇?主題曲ToNick唱喎,未聽過?《長相廝守》唔止903,TVB都攞過冠軍歌㗎,勁歌都佔一首㗎,又未聽過?佢哋由蒲吧一路唱到上九展,香港每逢有音樂節,只要請本地單位嘅,都幾乎會見到佢哋,未遇到過?咁請問平時聽開啲乜呢?

其實都唔緊要,若可以虛心啲唔好見新嘢就踩,未聽就話一蟹不如一蟹,都可以好來好去,因為講到底,呢個只係一種老嘅表現。係啊睇清楚,你老喇!人人都會老,年紀老無所謂因為無得避,但心境老就會離地,乜都係以前好,咁其實你攞返以前啲CD同錄音帶出嚟自閉聽咪得,仲睇乜嘢而家嗰啲在你眼中不知所謂嘅頒獎禮?咪浪費心機,理得啲細路聽咩呢?反正嚟緊幾十年你都係睇唔順眼㗎啦。

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

  1. 更多
  1. 許樹昌:政府基於技術考慮未有要求入境人士做抗體測試
    許樹昌:政府基於技術考慮未有要求入境人士做抗體測試
    3小時前
  2. 英指歐聯決賽可移師當地舉行 歐洲足協指無意改變地點
    英指歐聯決賽可移師當地舉行 歐洲足協指無意改變地點
    29分鐘前
  3. 陳時中投書籲外界支持將台灣納入世衛
    陳時中投書籲外界支持將台灣納入世衛
    31分鐘前
  4. 胡志偉獲高等法院批准有條件保釋出席父親喪禮 
    胡志偉獲高等法院批准有條件保釋出席父親喪禮 
    47分鐘前
  5. 許樹昌:放寬密切接觸者檢疫安排是相對安全措施
    許樹昌:放寬密切接觸者檢疫安排是相對安全措施
    47分鐘前
  6. 麥美娟:建議設停工津貼 姚思榮:政府應推基金助僱員
    麥美娟:建議設停工津貼 姚思榮:政府應推基金助僱員
    50分鐘前
  7. 陳茂波:消費券不分五期發放及延長使用期限
    陳茂波:消費券不分五期發放及延長使用期限
    52分鐘前
  8. 【5月8日疫情速報】(12:00)
    【5月8日疫情速報】(12:00)
    57分鐘前
  9. 【經緯線本周提要】免試引入醫生 各界態度分歧
    【經緯線本周提要】免試引入醫生 各界態度分歧
    57分鐘前
  10. 英超 李斯特城2:4紐卡素
    英超 李斯特城2:4紐卡素
    1小時前