0
0
〈娛樂乜乜乜〉武俠世界要逐頁揭先最精彩

〈娛樂乜乜乜〉武俠世界要逐頁揭先最精彩

〈娛樂乜乜乜〉武俠世界要逐頁揭先最精彩

【now.com娛樂】大台播緊嗰套《射鵰英雄傳》,我只睇了兩三集,屋企人話好好睇,就我睇咗嘅兩三集嚟講,撇除自己向來對大陸劇嘅厭惡,係幾Okay嘅,感覺上跟原著跟得幾足。印象比較深嘅係穆念慈比武招親一幕,連對白都幾乎跟足,呢樣幾好。但唔好當我呢個係對套劇嘅評論,我睇得唔多。

另一樣好,就係重新挑起自己睇金庸小說嘅熱情。劇我已經冇再睇喇,因為已經從書櫃攞返套塵封嘅射鵰出嚟睇,剛剛睇完,?家睇緊第二次了。所謂塵封唔係誇張,套金庸全集我係回歸前買落,買完之後睇過幾冊就冇再睇,我又冇乜打理,所以真係鋪滿塵。好在當時啲書紙質一流,廿年後拍走啲塵,裡面仲好似新嘅一樣,好感動。

仲記得小時候係書不離手,程度就好似?家啲人睇手機一樣,行到邊睇到邊,晚晚睇到唔願瞓。我係睇小說同漫畫睇到近視嗰種書蟲,課外活動除咗打波就係睇書,去得最多唔係同學成日捉我去嘅溜冰場同保齡球場,而係圖書館。

仲記得以前公共圖書館係唔可以預約,續借只能續一次,但我好少續借,通常借一本小說,隔日就睇完。每日放學就跑落去睇小說架,見到就搶,見唔到就去Counter問吓姐姐有冇人還咗書未擺上架。大部分小說就得一套啫,所以我係同好多人搶緊,好緊張刺激㗎。

呢種日子由初中開始直至中學完結,圖書館放嘅小說幾乎都睇過晒,最鍾情嘅武俠小說始終都係金庸,全套睇過冇十次都有八次,其他都有睇嘅,但始終唔算得上鍾意。圖書館嗰種硬皮書裡面夾住發黃嘅紙,打開嗰陣味,揭書粗鞋嘅手感,挑燈夜讀嘅生活,攞原稿紙學寫自己第一篇幼稚小說嘅回憶,呢一切相信到我化灰時都仲會記得。

後來為生活已經唔可以冇節制咁睇小說,節制得幾年,開始唔多睇?,只偶然睇到好電影,會買返本原著睇,或者會睇一啲真係出色嘅網絡小說。強烈推薦冇睇原著習慣嘅朋友,睇戲真係要睇原著,唔好睇小文字,電影拍得幾出色都好,有啲內涵反而係畫面畀唔到你嘅。睇得明原文就睇原文,睇唔明翻譯都好過冇,良心建議。

金庸我已經好多年冇睇,?家叫做稍為重拾吓,雖然已經幾晚唔夠瞓但係爽嘅,個感覺返晒嚟。武俠世界就係要一頁一頁咁揭先會峰迴路轉,經歷過嘅朋友自會明白。

大台正播放的2017版《射鵰英雄傳》,郭靖由楊旭文飾演﹑黃蓉一角由李一桐飾演,兩位同是內地新人。(微博圖片)
其實劇集有不少港星演出,包括苗僑偉,他飾演的黃藥師被網民大讚「型到裂」!(網上圖片)
呂良偉則飾演南帝一燈大師。(網上圖片)

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場。

  1. 更多
  1. 伊利沙伯醫院兩名員工確診 醫管局料非院內感染
    伊利沙伯醫院兩名員工確診 醫管局料非院內感染
    2小時前
  2. 牛池灣及北河街街巿周五提早關閉消毒
    牛池灣及北河街街巿周五提早關閉消毒
    3分鐘前
  3. 啟德一地盤發現戰時炸彈 附近部分住客到社區會堂暫避
    啟德一地盤發現戰時炸彈 附近部分住客到社區會堂暫避
    5分鐘前
  4. 【政情】食肆防疫「辣招」惹爭議 公務員照返工免商界反彈
    【政情】食肆防疫「辣招」惹爭議 公務員照返工免商界反彈
    25分鐘前
  5. 【7月16日疫情速報】(21:50)
    【7月16日疫情速報】(21:50)
    25分鐘前
  6. 的士司機周五起可預約新型冠狀病毒檢測
    的士司機周五起可預約新型冠狀病毒檢測
    49分鐘前
  7. 啟德一地盤發現戰時炸彈 啟德一號部分住客需疏散
    啟德一地盤發現戰時炸彈 啟德一號部分住客需疏散
    51分鐘前
  8. 康文署及房屋署分別有員工確診
    康文署及房屋署分別有員工確診
    1小時前
  9. 【即日焦點】醫管局:多間醫院新增個案非院內感染 政府:食肆內等外賣不違法;逾半受訪文憑試考生壓力偏高
    【即日焦點】醫管局:多間醫院新增個案非院內感染 政府:食肆內等外賣不違法;逾半受訪文憑試考生壓力偏高
    3小時前
  10. 梁美芬宣布參選九西立法會選舉爭連任
    梁美芬宣布參選九西立法會選舉爭連任
    3小時前