【now.com】鍾嘉欣（Linda）同老公Jeremy生下囡囡Kelly之後就隨即減產，不再拍劇拍電影，就算早前回港出席活動過後都急回加國湊囡。不過專心湊囡的還有另一位選美代表，07年港姐冠軍張嘉兒今年9月生下囡囡Leora，今日她於社交網站更新近況，上載了和鍾嘉欣母女二人的合照，張嘉兒又留言話自合作拍畢劇集《警犬爸打》後就結片緣：「同嘉欣一齊拍完《警犬爸打》後，大家都好幸運可以成為媽媽。Kelly大Leora一個月，她們可以一齊玩啊。希望大家都會健康快樂成長！劉在芯（張嘉兒女兒名字）meets常在心。」相中見到兩位靚媽齊齊抱著自己愛女，大騷母愛，兩位囡囡又都配上聖誕帽貼圖，相當趣緻，吸引不少Fans留言俾Like！嘉兒又話聚會期間又大談餵奶等湊女經，似乎相當開心。
鍾嘉欣（右）與張嘉兒兩人都抱着自己的囡囡合照。（Instagram截圖）
早前嘉欣曾經都抱囡囡見楊怡（左）。（Instagram圖片）
張嘉兒今年9月生下囡囡Leora。（Instagram圖片）
