抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【now.com】鄧紫棋（G.E.M.）日前為宣傳個人寫真集《25LOOKS》，去到街頭收集市民對她本人及寫真集的不同聲音。G.E.M.先登上渡海小輪，希望派發甜筒及裝飾物給乘客。不過團隊可能沒有預早同船公司溝通好，船長多番開咪叫停G.E.M.，之後甚至有船員上前阻止仍然未肯收手的她。其實違規始終唔好，下次團隊真係要好好計劃好喇。
第二站G.E.M.去到尖沙咀碼頭的報攤，請了一位女主持人以大學生造型進行街頭訪問，了解市民對G.E.M.的評價。為求「不論好醜，意見全收」，問卷中沒有避開一些負面問題，例如「國際漿」、「宇宙G.E.M.」等外號，及經常被人評論時裝品味等問題。
受訪的市民對G.E.M有讚亦有彈，其中一名男途人被問到「如果G.E.M.出現在你面前，你會想同佢講乜？」，他直言會見鑊打鑊：「成日扮金魚，好低B！」早表示無論意見如何都會接受的G.E.M.就決定現身面對，最後尷尬收場。不過G.E.M.笑言這是一個最正嘅答案：「我走出去嗰時真係驚佢會打我。我覺得好多時候人與人之間要面對面接觸，先可以打破好多隔膜、打破好多道牆，我希望日後會做多啲呢類型嘅活動。」其實唔少市民對於突然見到G.E.M.都表現驚喜，紛紛要求合照。
G.E.M.先上船派禮物。
不過被阻最後變同乘客合照。
之後到街頭做訪問。
被人指想見一鑊打一鑊的確幾尷尬。
都有人鍾意金魚咀嘅。
