杜德偉任Sammi第4場演唱會嘉賓。
【now.com】《Touch Mi 2鄭秀文世界巡迴演唱會2016》昨晚在紅館舉行第4場，是夜嘉賓為杜德偉（Alex），一出場全場大叫「許生」，Sammi更搞笑帶領全場大嗌：「許生唔睬人嘅！」Alex反問他和許志安是否真的如此相似，Sammi繼續整蠱他說：「我試過半夜認錯，點解杜德偉瞓喺隔離嘅？」
Alex笑言：「你應該請返當日喺球場認錯許志安係杜德偉嗰條茂利…嗰位人兄嚟，問吓我地有邊忽似？」為証明二人不似樣，大螢幕分別播出Alex和安仔性感三角褲相片，全場嘩然，Sammi大笑：「嘩，兩大巨鵰碰頭！你哋自己男廁比拼吓！」
到演唱會尾聲，Sammi有感自己狀態回勇，忍不住眼淚說：「今晚第4場，係我呢幾晚以嚟把聲係最好，我覺得我開始唱得返好多音啦，好開心！」她高舉拳頭，忍著淚水唱完《不要驚動愛情》。她再向觀眾連環致謝：「喺度特別多謝過去3晚，呢3萬幾嘅觀眾特別對我嘅包容。因為其實真係你哋買嘅飛係唔包走音，但係你哋真係好包容我，多謝你哋！你哋好多愛，陪我度過呢段艱難嘅時候，多謝你哋！」
杜德偉任Sammi第4場演唱會嘉賓。
兩人合唱《信自己》。
杜德偉笑言唱《脫掉》不脫掉的話要回水給觀眾。
Sammi笑言：「兩大巨鵰碰頭！你哋自己男廁比拼吓！」
Sammi有感狀態回勇，忍不住落淚。
高舉拳頭，忍著淚水唱完《不要驚動愛情》。
蔡卓妍、周麗淇結伴欣賞。
蘇志威與太太劉小慧。
