【now.com】古天樂、張智霖（Chilam）、蔡少芬、林保怡等昨晚出席電影《S風暴》首映禮，4人一起由公仔箱撈到大銀幕，私底下非常老友。原來古仔同Chilam早在初出道時已認識，他們當年在電視劇《天地男兒》一起爭女。古仔形容多年來與Chilam的關係非常「Hehe」：「其實係Hehe Haha，好開心。」Chilam就取笑古仔膚色的變化：「我識佢時係白古，而家係黑古。」
蔡潔亦有份參與《S風暴》，男友王宗堯昨晚收工後就趕到場，現身首映禮撐女友。二人應記者要求上台合照，他們初時顯得怕怕醜醜，蔡潔只是輕輕繑實男友手臂，最後王宗堯主動出手，man爆拖實女友，十指緊扣影相閃爆全場。
古天樂、張智霖、蔡少芬、林保怡四人從前在電視圈合作，今次於電影中再聚頭。
古仔笑言同Chilam好「Hehe」 。
呢對小情人好尷尬 。
周渝民（仔仔）就因為弄瓦之喜未有出席活動，用短片同大家打招呼。
適逢9月17日係蔡少芬生日，劇組特登同佢切蛋糕慶祝 。
仲一齊玩燈籠慶祝中秋 。
