【now.com】洪永城、黃翠如呢對熒幕情侶最近於劇集《我瞞結婚了》再度合作，更加係飾演兩公婆，等觀眾們繼續幻想。日前二人就去到中環海濱進行拍攝，更齊齊搭摩天輪！咁浪漫，翠如都唔放過機會，上載了同洪永城及工作人員的相片留念。
蕭正楠當然見到女朋友上載的相片，他更留了「幸福摩天輪」五個字，望落正正常常，但聞落有陣酸味，唔通公然呷醋？翠如見狀就立即回覆話：「邊個話帶我去？」反投訴蕭正楠，睇到網民一額汗。不過相信二人都只係耍下花槍，因劇集其實本身有預蕭正楠，男方一早知翠如會搭洪永城，只係唔想用感情事當宣傳，婉拒了邀請。
二人合作拍攝《我瞞結婚了》。（微博圖片）
日前一張摩天輪照竟然令蕭正楠呷醋。（微博截圖）
