【now.com】藝人王祖藍早年開始北上吸金，成績非常唔錯，工作可算係接唔停。不過可能太忙沒有時間休息，加上飲食唔定時，祖藍最近好似成日病。祖藍今日就上載兩張嘴唇相，見到本身已經豐滿的嘴唇再明顯腫起，第二張更見到上唇生了一粒大痱滋，對於經常做主持要用到把口的祖藍來說一定係痛不欲生，難怪要上網呻下喇！祖藍就留言指：「（不要打開）我的嘴唇，是神聖不可潰瘍的！我想笑但是笑不出來 等到思念傷害 厚嘴唇 潰瘍太利（厲）害。」睇見真係覺得好慘，一班網民都紛紛送上祝福，又貢獻多條偏方，希望祖藍會快快好番。
睇落係幾嚴重喎！（微博截圖）
五月時祖藍都潰瘍過。（微博截圖）
之前仲有自爆聲帶腫脹的喉嚨相，同今次一樣好震撼。（微博圖片）
祖藍最近仲參加《跨界歌王》唱歌，把口真係無時停。（微博圖片）
