【now.com】 擁有35.5吋D Cup身材的亞姐林紫君於2013年亞視「演藝訓練計劃」課堂中因爆粗而被解雇,毅然走出了娛樂圈。當時她已經向傳媒表示有意投考警察,經過幾年的努力,林紫君昨日(9日)終於在學堂畢業喇,更因表現優異而得到銀笛獎。
一頭短髮、膚色黝黑的林紫君與另一名警員獲邀請拍片分享訓練中的苦與樂,當中林紫君講到加入警隊的原因:「我覺得每個人心目中都有團火喺度,都係存在一個正義嘅追求。」她又提及早年做藝員的工作:「唔同類型嘅工作我發現到自己有不足嘅地方,就係學歷不足,所以之後修讀毅進文憑課程。」咁有目標,林紫君好自豪指自己一take過就考上了。
最後講到自己就快「學警出更」,林紫君就希望可以運用學院所學知識同技能,回饋社會、服務市民。