0
0
家駒明54歲生忌 世榮憶家駒囉唆又愛遲到

家駒明54歲生忌 世榮憶家駒囉唆又愛遲到

家駒明54歲生忌 世榮憶家駒囉唆又愛遲到

【now.com】明天是前Beyond已故主音黃家駒的54歲生忌之日,昔日隊友葉世榮就發起舉行《家駒....愛心延續慈善演唱會2016 》,明晚假會展演出,屆時黃貫中(Paul)、劉志遠、鄧紫棋 (G.E.M.)、太極、草蜢、周啟生、梁詠琪、側田、盧巧音、RubberBand、Dear Jane、KOLOR等歌手都會演出,並由Viu TV全程直播。

世榮日前接受港台節目訪問,暢談了Beyond的成長之路,他憶述:「當時家駒有隊band,佢係第二結他手,但主音兼結他手幾霸道,經常夾band時指住家駒話『你個結他太大聲,擰細啲得唔得?』家駒就扭細聲啲,投入自己嘅世界去玩。後來家駒話主音要移民,我話我唱唔到歌,我打鼓㗎咋,不如你唱啦。家駒就試吓,佢一開聲,我就發現咁特別嘅,聲沙沙哋,帶啲磁性,同埋我哋當時好鍾意玩外國cover version,佢唱英文歌時神髓好似,唱到band嘅感覺出嚟,我哋就繼續玩落去。直到83年,我哋以Beyond名義參加比賽,就開始咗Beyond嘅生命。」

家駒愛遲到

世榮大爆家駒的壞習慣:「佢永遠最遲,我有問咩原因,佢話同家強起身爭廁所用,佢又唔夠家強快,佢自己又咪麼。家駒除咗遲到外,有時佢都囉唆,同佢討論問題,佢太有見解,喺時間上嘅折磨下大家就會屈服。其實四人時期大家都有個依賴性,因為家駒好有主張,久而久之都係聽佢,所以都冇咩和事佬角色。」

《真的愛你》變叛徒

《再見理想》後,Beyond簽了Leslie Chan成經理人,基於唱片公司及市場需求,他們亦由創作地下音樂走向流行歌曲之路,因而一度被人稱為搖滾叛徒,對此世榮說:「係有少少唔舒服,因為仲係地下樂隊未出唱片時,玩任何音樂都係自己話事,但同唱片合作,佢哋要求嘅嘢唔同。當初我哋唔識寫流行曲,《昔日舞曲》、《永遠等待》、《阿拉伯跳舞女郎》、《孤單一吻》呢幾張碟其實唔係好賣得,當時唱片公司同經理人好惆悵。結果我哋好努力去寫流行歌,攞個平衡,比如唱出嚟嘅旋律大家易接受,編曲就用自己喜歡嘅方法,呢個真係work,88年我哋出《秘密警察》,有《大地》呢首歌,呢隻歌多咗好多人注意我哋,唱片當然比以前好啲,再接再勵下一張《真的愛你》,結果真係入到屋,之後《光輝歲月》、《不再猶疑》、《Amani》都好受歡迎。」

家駒離去 Beyond欠靈魂人物

家駒93年意外離世後,樂隊失去靈魂人物,大家都受到沉重打擊,世榮說:「三個人嘅時候係冇主導,變咗好混亂。因為之前大家依賴性好強,冇咗家駒係人生中最痛苦嘅時候,我哋曾經有段時間想放棄,休息咗一段時間,但我哋三個唔想辜負歌迷期望,亦唔想Beyond就咁停咗好可惜,所以硬住頭皮重新企番起身。」

唱片公司推了阿Paul和家強擔起主音歌手的位置,世榮說:「呢個壓力好大,唱片公司要求寫多啲歌、唱多啲好歌繼續發展,呢種無形壓力令大家情緒好緊張,我哋好努力發展三人Beyond,所以三人Beyond係最勤力嘅時候,每人要行多步。舉個例我打鼓,我搵多啲打鼓技巧去進步,寫多啲歌,甚至乎我想同現場live融為一體,我都走咗去學唱歌,想幫助樂隊。」

世榮接受港台節目《有冇搞錯》訪問

  1. 更多
  1. 【周四答辯】廉署落案起訴區諾軒黃耀明 涉在2018年立法會補選提供娛樂
    【周四答辯】廉署落案起訴區諾軒黃耀明 涉在2018年立法會補選提供娛樂
    44分鐘前
  2. 8月2日東京奧運賽事速報 (14:00)
    8月2日東京奧運賽事速報 (14:00)
    9分鐘前
  3. 輝瑞莫德納上調售予歐盟新冠疫苗價格 傳最多加兩成半
    輝瑞莫德納上調售予歐盟新冠疫苗價格 傳最多加兩成半
    33分鐘前
  4. 八達通樂悠咭即日接受申請 有市民一早領取表格
    八達通樂悠咭即日接受申請 有市民一早領取表格
    36分鐘前
  5. 兩男營運偷拍網站 涉串謀破壞公眾體統被捕
    兩男營運偷拍網站 涉串謀破壞公眾體統被捕
    1小時前
  6. 上半年涉加密貨幣罪案近五百宗 大幅上升一倍多
    上半年涉加密貨幣罪案近五百宗 大幅上升一倍多
    1小時前
  7. 美國年輕人疫苗接種率低 白宮招攬網紅「谷針」
    美國年輕人疫苗接種率低 白宮招攬網紅「谷針」
    1小時前
  8. 日防相指大陸正對台灣形成軍事包圍
    日防相指大陸正對台灣形成軍事包圍
    1小時前
  9. 白俄女跑手拒離開日本返國 據報擬向第三國尋求庇護
    白俄女跑手拒離開日本返國 據報擬向第三國尋求庇護
    1小時前
  10. 廉署落案起訴區諾軒黃耀明 涉2018年立會補選作舞弊行為
    廉署落案起訴區諾軒黃耀明 涉2018年立會補選作舞弊行為
    1小時前