【now.com】陳慧嫻早前於個人演唱會上真情剖白，大爆自己曾遇上一個疑似Mr. One，但示愛時對方卻表示已有男朋友。雖然之後慧嫻就叫大家對她台上所說我毋須太認真，不過有周刊就指該位「Mr. One」就是音樂人鄺祖德，而鄺祖德昨日亦自爆是「男主角」。
鄺祖德指二人去年一起製作發燒碟時認識，形容二人「感情開始有所發展」，更見埋家長，但又因為「家人及年齡上的差距」決定停下來。他又意有所指地寫下「愛情始終要有緣份，趕『夜機』或祇會變『儍女』」，似係話慧嫻急進，同時亦有報道指此句暗示了慧嫻未能拗直性向成疑的鄺祖德。
眼見是是非非，慧嫻似乎都好無奈，於Instagram貼上一張「GET A LIFE!!!!」圖，仲寫明:「請自行對號入座！」似乎想自認「Mr. One」那位快快收口。網民亦認為鄺祖德的行為唔要得，紛紛留言鬧爆：「請問妳（你）這樣說有冇考慮過慧嫻的感受？」、「你何必這樣講出來傷害她呢？為了自己炒作嗎？」、「世紀賤男！做乜抽水丫？ 」
鄺祖德早前探陳慧嫻班。（Instagram截圖）
他自己對號入座並寫下長文。（Instagram截圖）
慧嫻似乎都好無奈，叫對號入座者GET A LIFE。（Instagram截圖）
