【now.com】《功夫熊貓3》 (KUNG FU PANDA 3)將於復活節檔期上映,主角阿寶繼續由陳奕迅(Eason)聲演,Eason自2008年起已是第3次為阿寶配音,他坦言感覺熟悉但仍具挑戰性:「為動畫配音嘅難處係人要跟住原聲(Jack Black)去配,阿寶嘅語氣情緒起伏好大,講嘢又急又快,所以開頭用咗唔少時間去拿捏,用高音啲嘅聲線。啲『呀、啫、嘅、㗎』係最難,又要配合角色口形,我們花咗唔少心思,希望大家都覺得用廣東話都好傳神開心!」
他又概嘆唔知是否年紀大,一開始竟有點兒吃力:「我配音一定要投入真正嘅情緒,就好似自己真係做緊戲咁,所以其實好攰,加上年紀漸大,頭兩日配音時真係有啲吃力。今次用嘅時間亦比之前多,第一二集只係用4日,今次用咗5日。但一旦進入咗角色,我都感染到阿寶嘅熱血同傻勁,好似後生咗咁!」