【now.com】女神陳妍希同內地男星陳曉自拍拖以來一直非常甜蜜，2人經常公開曬恩愛，舊年10月更訂埋婚。最近有傳陳妍希疑似大肚，着衫經常遮肚。不過女神今日在微博上載自己在雪地玩瑜伽嘅相，似乎想攻破大肚傳聞。
妍希今日在微博上載了着住短袖T-shirt在雪地玩瑜伽嘅相，貪玩嘅佢又擺曬甫士又瞓雪地影相。佢着咁少衫喺冰天雪地玩，似乎一啲都唔怕凍，同埋大肚嘅話又點會咁唔錫身呢。所以大肚傳聞，今次都不攻自破啦。妍希昨日在香港出席完活動時仲話因為太忙，所以同陳曉嘅婚期依然未定，但話婚禮一定會兩邊都搞呀。
雖然係無大肚，但瞓雪地好似搏咗啲喎！（微博圖片）
鬼馬嘅女神貪玩之餘都要小心身體呀！（微博截圖）
雖然舊年已經訂咗婚，但女神話仲未得閒結婚住呀。（微博圖片）
