【now.com】應屆港姐冠軍麥明詩，一直未和無綫簽約，有傳原因是大台要求她簽下十年長約，令未諗好自己去向的麥明詩遲遲未肯動筆。她孭住十優狀元個名，做埋港姐有名氣，又怎會願意將最青春的十年時間全送給無綫呢？
不過唔肯簽約當然有代價，唔單止冇劇拍，每月仲只得$1,600車馬費，連藝員底薪都冇。最後，據聞麥明詩終於和公司拉鋸成功，將十年困身約變為5年合約，大台今次真係好大讓步，似乎無綫想靠麥明詩多啲喎。
十優狀元始終想入娛樂圈闖闖。（網上圖片）
曾表示有意從政的麥明詩，算是多就社會議題發聲。（facebook圖片）
一直被視為麥明詩（左）敵勁的龐卓欣（右），家境富裕，仍未動筆簽約。（網上圖片）
