【now.com】正在內地參加歌唱節目《中國之星》的許志安，不經不覺已經參加到第8集，並準備進入冠軍戰。雖然安仔之前唱廣東歌曾受抨擊，成續亦一直未見突出，不過都成功進入冠軍戰。
今次主題為「民族風」，安仔選了《男兒當自強》作賽。他今次更大玩中西合壁，安排二胡、中國大鼓同電結他作伴奏。雖然最後安仔都爭取不到冠軍，但可以以廣東歌繼續成功留低，實在不容易。他亦表示會盡量以平常心繼續餘下的比賽：「Sandy（林憶蓮）教識我點樣去演繹一首歌，可以減輕我壓力，自己會繼續平常心去面對，因為能夠在台上，唱到自己鍾意嘅歌，已經好滿足。」
安仔着住黑色唐裝唱《男兒當自強》零舍投入，雖然拎唔到冠軍，但其實成績都唔錯！
作為安仔推薦老師的林憶蓮，聽完安仔表演激動到企埋起身。
因為比賽而同憶蓮變得非常要好嘅安仔，話覺得多咗個老師之餘仲多咗個朋友。（微博圖片）
