【now.com】網絡紅人「瓊姐」一向心水清，娛圈大小事都逃唔出佢法眼，今日佢又發現咗個娛圈現象，就係樂壇「校長」譚詠麟原來係超級「燈神」！一向鍾意提攜後輩的校長，多年來都出心出力更會出口來幫助一眾樂壇新人，不過瓊姐就發現到：
「日前，馬來西亞華裔女歌手李幸倪（Gin Lee）公布加盟環球唱片。譚詠麟隨即現身，送上一塊賽跑金牌，祝福Gin Lee 短期內可以在香港樂壇跑出。
之不過，校長燈力一向出眾，更被封為「樂壇比利」，幾乎捧乜死乜，人人避之則吉，當中貌似只有李克勤一人幸免。
今翅大鑊喇Gin Lee！係度希望燈神可以免佢一死， 我祝福Gin Lee前程錦繡，今年唱多啲好歌比大家聽！ (我燈力應該無咁強掛！)」
校長的確成功捧出李克勤，兩人組成的「左麟右李」更是愈做愈有，不過其他被他睇好的歌手，例如梁漢文、關楚耀、林欣彤、Mr.等，歌星路未見有太好成績。
瓊姐發現咗呢個娛圈現象。（Facebook截圖）
仲幫大家整個列表。（Facebook截圖）
Gin Lee日前加盟環球唱片。（網上圖片）
梁漢文前排同「男人幫」開完紅館演唱會。（網上圖片）
關楚耀近期新聞是同女友拍拖旅行。（網上圖片）
林欣彤在樂壇默默耕耘中。（網上圖片）
Mr.唔績約環球，瀕臨解散邊緣。（網上圖片）
