【now.com】樂隊RubberBand隊長兼結他手馮庭正（阿正）同拍拖3年的大馬女友Sherine尚羚（原名黃淑玲）正式拉埋天窗！早前兩人應雜誌邀請到越南影婚紗相，在古廟前留下甜蜜印記。
講到生育大計，雖然二人都十分喜歡小孩，但阿正表示想先過二人世界，他又回憶去年二人到歐洲旅行時求婚，他笑說：「我粒求婚戒指日日帶喺身度，成日擔心唔見咗，又擔心過海關時被發現，因為我好保密，我日日將粒戒指放喺心口度，嗰日去到瑞士Zermatt雪山上，我就向佢求婚，佢應承咗收埋隻戒指我就放心，唔駛我再袋住嘛！」
不過Sherine就有怨言，指阿正未有提醒她要扮靚靚上雪山。情人眼裡出西施，阿正又怎會介意，仲對太太讚口不絕，又講愛的宣言：「I love you not only for what you are，but for what I am when I am with you！」
新娘子又指阿正在雪山上求婚好有新意，令她一世難忘，她說：「因為當時雪山上有好多人，阿正就跪地求婚，我嚇到呆咗，現場有好多人做見證，我真係好驚喜，佢拎隻戒指出嚟我好感動，現場有其他旅客拍手叫好，有人走埋嚟一齊影相、恭喜，又有人讚咁求婚好浪漫！」兩人會在年底才返馬來西亞補擺喜酒。
阿正上年與Sherine去了意大利的Montone旅遊。
兩人早前已到越南影婚紗相。
