【now.com】陳山聰同何家千金何超雲分手後，感情好似一直未有著落，估唔到今日有雜誌指佢力追已經有男朋友的黃智雯！兩人因為在無綫劇《張保仔》中飾演一對，拍劇日對夜對而成為好友。
睇返陳山聰微博，淨係12月已經有7個post都係同黃智雯有關，仲不時上載兩人攬頭攬頸的合照，交情甚好。最近在胡杏兒婚禮上，陳山聰同晒「胡說八道」成員合照，唯獨同黃智雯嗰張有鍚面，嘩，女方一直同謝瑞麟高層詹文天拍緊拖，陳山聰咁做會唔會令人哋男朋友呷醋㗎！
再睇真啲，陳山聰在當晚凌晨近1時，分別貼出5張他和「胡說八道」的合照，半小時後，他再貼出一張用剛才幾張相組成的拼圖，張張相同頭先冇分別，唯獨與黃智雯的，由普通合照變成他錫黃智雯面珠的合照，似乎有心show比大家睇喎。
陳山聰先分別貼出5張他和「胡說八道」的合照。（微博圖片）
姚子羚。（微博圖片）
李施嬅。（微博圖片）
胡定欣。（微博圖片）
胡蓓蔚。（微博圖片）
留意下，呢張拼圖，除咗黃智雯張相唔同咗，其他相都一樣㗎。（微博圖片）
陳山聰寫話：「太爺太嫲希望不久的將來再續前緣。」仲加咗3個心心。（微博圖片）
陳山聰：「我至愛的太嫲Happy birthday」（微博圖片）
陳山聰：「太爺太慢最後拉票」（微博圖片）
陳山聰早前在頒獎禮為自己拉票，都不忘話：「特別要多謝我拍檔 太嫲朱淑君」（微博圖片）
成班夜跑團。（微博圖片）
