【now.com】正舉行Let's Celebrate世界巡迴演唱會的天后陳慧琳(Kelly)昨晚唱到第5場,適逢冬至,Kelly請來兩位可愛小嘉賓,就係兩位可愛仔仔「蝦餃仔」劉昇同「小龍包」劉琛。話說七年前Kelly於紅館宣布結婚,之後講過第日要抱埋兩個B再上紅館見大家,昨日竟然真係兌現承諾,即時令所有粉絲陷入瘋狂狀態。
Kelly一手拖著「蝦餃仔」,一隻手拖住「小龍包」,大唱經典歌《星夢情真》。兩個寶貝都好有音樂細胞,隨著節奏郁來郁去,「小龍包」仲識萌笑冧粉絲,可愛到暈。容祖兒亦有到場欣賞,話好羨慕場面非常溫馨,唔知男友劉浩龍睇唔睇到而趕快識做呢?