【now.com】《2015年度勁歌金曲頒獎典禮》今年提早舉行，成為樂壇第一個頒獎禮。容祖兒毫不意外地再奪「最受歡迎女歌星」，是她第11度奪得此獎。「最受歡迎男歌星」就由張敬軒奪得，講得獎感受時，軒仔有意為坤哥吳業坤搶focus，他說：「坤哥拎獎我好感動，有段時間我睇住佢每日等通告，之後見佢愈嚟愈多嘢做，覺得佢會把握每個機會，唔計較，覺得佢好啟發到我，畀心機呀，坤哥加油！」
至於坤哥拎咩獎令軒仔咁感動呢？5年前參加《超級巨聱》入行的他，今年終於有機會唱歌，《原來他不夠愛我》和《陽光點的歌》都有好成績，連帶他奪得「最佳新人獎」金獎，講得獎感受時他已經口震震，表演時情緒失控，喊到收唔到聲，走晒音不突止，最好笑的是眼鏡起晒霧，立刻成為全晚最好笑的笑位！
坤哥之後都有上載自己個喊樣上樣自嘲一番，雖然大家忍唔住笑，不過都不忘叫佢加油繼續唱好歌。
祖兒拎女金唔意外。（電視截圖）
男金就係軒仔拎。（電視截圖）
坤哥喊到好凄涼！（電視截圖）
坤哥自己都知自己事！（IG截圖）
