韋家雄終於獲得肯定。（微博圖片）
獲獎時更有藝人贈香吻。（微博圖片）
【now.com】大台頒獎禮過後，大家除了記得黃秋生同胡定欣奪視帝視后，一班藝人齊齊食炸雞之外，有沒有記得韋家雄三隻字，呢個挨了廿多年的典型小生？韋家雄的哥哥係經典電視劇《大時代》編劇韋家輝，韋家雄1989年報讀亞洲電視藝員訓練班，1995年轉投無綫電視，其間最令人印象深刻的作品，應該是於溫馨倫理劇《真情》入面飾演「大力」一角。
服務大台二十年，韋家雄一直飾演三四線角色，拍了接近50套電視劇。他與一眾小生花旦都有合作過，難怪他獲得「最佳男配角」時全場藝人都陷入興奮狀態，一一上前祝賀。而他的努力係有人見到的，與他合作得獎作品《梟雄》的秋生大讚他有實力、有潛質。終於挨出頭來，韋家雄仍然謙遜，訪問中更分享自己一直的態度：「雖然只有一場戲，而且沒有對白的，但只要你覺得自己是主角，你就會做得好。」主持陳芷菁大讚呢啲就係心態改變命運，自己就是人生的主角。
秋生力撐韋家雄。（微博圖片）
陳芷菁都勁讚韋家雄抵攞獎。（微博截圖）
