【now.com】大台昨晚舉辦《萬千星輝頒獎禮2015》,個個藝人爭餐死。而同公司嘅呂慧儀(長腳蟹)就選擇同屋企人共享天倫,因為昨日係佢同香港先生黃文迪結婚4周年嘅紀念日。佢貼出一張同老公喺海邊深情咀嘴嘅相,仲話「在一起就好」,sweet到漏。歲半嘅仔仔「蟹籽」就好萌咁企喺二人中間,拖實實爸爸媽媽發呆。網民笑指紀念日中竟然出現第三者,提議快快來個第四者、第五者。不過呂慧儀為賺奶粉錢已經密密接job,早兩日先挨病話自己頭痛、鼻塞、流鼻水、喉嚨痛、頭重腳輕患上感冒,應該未必咁快有第二粒「蟹籽」嘅出現喇。
呂慧儀晒咀嘴照賀結婚四周年 網民催促再追B