【now.com】內地嘅歌唱比賽真係多到數唔晒,香港有好多藝人都有北上參加,除了證明自己唱歌實力外,又可以開拓內地市場。許志安就參加了《中國之星》,但佢早前就因為唱張學友嘅《怎麼捨得你》而被評判之一嘅崔健狠批,話唱一首「廣東老歌」有何寓意。
去到第三集,許志安繼續以廣東歌應戰,選《友情歲月》作為參賽歌曲。安仔話唔係刻意揀廣東歌挑戰崔健,每次都會同導師林憶蓮開會研究,在意每次演出能否令評審及觀眾有共嗚、有驚喜,語言不會是他考慮的因素。安仔今次以強勁舞蹈演繹《友情歲月》,令全場High爆,上集批評安仔的崔健,今次就豎起手指公說:「這個對路子了!」林憶蓮都大讚安仔:「呈現不一樣的面貌。」