【now.com】 新加坡孖妹組合By2的Yumi，一直有傳與何家四房兒子何猷君拍拖，雖然兩人從沒承認，但不時被影到拍拖行街，上月何猷君更上載一張兩人的戴情侶帽的合照，愛得癡纏。
昨日Yumi在Instagram上載一張自拍照，並寫道：「很多人問我說我怎麼從今年開始瘦成骨頭似的，除了哭到沒胃口吃飯之外，重點還沒說呢，聽我們第七張專輯其中一首，三個字的歌名，就知道了～」佢話自己瘦到骨頭，但睇埋佢谷爆的上圍，完全圖文不符啦。
而她所指「三個字歌名」的歌就是《你騙我》，其後她再上載MV劇照，話MV點擊率破200萬，仲寫道：「感謝你的背叛，讓我寫出好歌。」呢句令fans猜測她是否與猷君感情生變，不過諗真啲就似係借感情事做宣傳多啲喇，她所指的「背叛」，話唔定講緊以前男朋友呢。
Yumi話好多人問佢做咩瘦成骨頭咁喎～（IG圖片）
瘦？邊到瘦啊？睇過？不過fans梗係唔會咁問佢啦，梗係關心吓佢啦。（IG圖片）
「感謝你的背叛，讓我寫出好歌。」唔知同邊個講呢？（IG圖片）
上個月猷君先post完呢張相話「Always love」（IG圖片）
身材fit到漏。（IG圖片）
