【now.com】宜家好多劇集都要離港取景，有些更要去到國外，好似陳凱琳、蕭正楠、陳展鵬等早前就去到日本沖繩為《巨輪II》拍外景，一去要去成兩個星期。對於有家室的藝人來說，出埠拍攝更係煎熬。正於內地拍戲的洪天明就好明白，他早在十月已經不斷出出入入大陸，分別兩歲同七個月大的公子當然好唔捨得。天明昨晚就同寶貝仔洪大仁（TJ）視像通話，TJ見到爸爸就好淒涼咁喊。見到仔仔咁掛住自己當然開心，但同時又會好心痛，天明睇落都好無奈，唯有同仔仔講：「Don't cry. Daddy miss u too.」有網民就提議天明同仔仔參演真人騷《爸爸去哪兒》，咁就可以成日同TJ一齊。
天明真係好心痛。（微博截圖）
天明個樣都好無奈。（微博圖片）
之前萬聖節都冇得同老婆周家蔚、兩個仔仔玩。（微博截圖）
今次都好多武打場面，天明話自己真係打到「天明」。（微博圖片）
