【now.com】胡杏兒上星期慶祝生日時,獲男友Philip Lee求婚,期後她更於社交平台曬出多張sweet爆婚照。原來該輯相片攝於比利時,剛剛被委任為「比利時法蘭德斯旅遊大使」的胡杏兒全程獲比利時旅遊局接待,在當局推薦下於布魯塞爾、安特衛普、根特及布魯日四個城市拍攝:「當局對我好好,每一個地方都安排周到,住宿好,食嘢全部係最出名、最好味嘅餐廳,又去過一個米芝蓮嘅廚師屋企,煮嘢俾我哋食,呢件事都好難忘。」難忘的竟然係食,待嫁的新娘唔怕肥?
為隆重其事,杏兒從自己的婚紗店帶了七、八套婚紗過去。雖然作為藝人已經拍過無數次婚照,但為自己而影,杏兒特別感觸:「真係忍唔住喊,但我嘅未來老公睇住我喊,都唔會嚟呵番我,因為佢知道佢行過嚟,我仲喊得犀利,驚我個妝溶晒。而阿Philp都好有潛質,佢唔係成日影相,但竟然唔係好緊張。」