【now.com】呢期娛樂圈只能用喜事停不了來形容，36歲的王菀之（Ivana）襯今日光棍節，宣傳脫離光棍一族，嫁畀「Figure王」男友蘇卓航（Eric）！
她今早先在微博公告脫離單身，引用自己歌曲《好時辰》的歌詞寫道：「『遇上你 太感恩 不遲亦不早』 感謝天父 感謝父母 感謝所有好兄弟姊妹 感謝大家 也祝福天下有情人終成眷屬，白頭偕老，攞個彩先 - \"Eric So, you\'re SO LUCKY.」
Ivana在電話錄音訪問中承認婚事，指兩人經好朋友介紹，因同樣熱愛藝術而走在一起，2013年中開始拍拖，到今年4月Eric So在韓國舉行自己的藝術展覧時，終於向Ivana求婚，Ivana甜思思講到：「4月19日係金像獎頒獎典禮，4月18日佢就忙緊自己喺首爾嘅展覽。18號我就自己返香港先，佢送我搭車去機場途中就同我求婚，我收到戒指其實都唔知點算，佢又要留喺韓國我又要返香港，心情好激動。」
她又讚男友求婚夠心思：「其實好sweet嘅，佢個諗法係唔知我金像獎有冇獎，不過佢就好想率先頒一個『最佳女主人』嘅獎畀我，就係佢嘅求婚喇！」並指二人同樣愛藝術、愛旅遊、價值觀又相約，所以很適合對方，恭喜恭喜！
王菀之先在微博公告脫離單身！（微博圖片）
她又讚男友求婚夠心思，在金像獎前率先頒一個「最佳女主人」獎給她。
最好笑的是Ivana收到戒指後要獨自上機。
