0
0
倒數5日!徐天佑派囍餅表心意

倒數5日!徐天佑派囍餅表心意

【now.com】男子組合Shine成員徐天佑上月突然宣布結婚,11月8日將與拍拖八年的圈外女友Olive假洲際酒店筵開40席,意大利小鎮定婚後正式拉埋天窗。準新郎天佑平時收埋收埋,個人原來都幾深情,自爆結婚後成日都係微博暗暗放閃,繼上載自己寫「愛的宣言」的chok相之後,前日又送未婚妻冧爆字句,羨煞旁人。

距離婚禮尚有五日,天佑今日就係微博曬出囍餅,準備派俾親朋戚友以表小小心意。囍餅以白色為主調,盒上印有Olive & Tien You字樣及兩朵金色玫瑰花,配上翠綠色繩及乾花,非常簡潔、感覺清新。見到實實在在的囍餅,不少粉絲都表示心碎,有人更向男神直言「以後不可對你胡思亂想了」。

上月曬出甜蜜婚照。
著到咁型仔就係寫緊愛的宣言喇!(微博圖片)
仲同未婚妻講揀幾多次都會揀佢,冧爆!(微博圖片)
剛剛就俾大家睇二人派的囍餅。(微博圖截)
天佑未婚妻有做開設計,未知logo是否出自Olive手筆呢?(微博圖片)
仲有五日,但仍有咁多餅要派……不過開心事,唔怕辛苦嘅!(微博圖片)

  1. 更多