【now.com】呢幾年真係有好多藝人生小朋友，所以萬聖節這些要扮鬼扮馬的節日，我們都特別多靚相睇。名模周汶錡（Kathy）就為3個多月大的囝囝Jacques穿上兩套萬聖節衫仔，扮完嘩鬼再扮南瓜仔，配合Jacques的無辜樣子，實在萌倒不少網民。「千億新抱」徐子淇（Cathy）就同孻仔李建熹齊齊以愛登士家庭造型現身，靚媽原來已經極速修身，紮起孖辮並著上短裙晒長腿扮的Wednesday Addams，非常性感，而囝囝就穿上骷髏骨衫扮Mr Boney。
其實Jacques扮咩都好都會迷倒Kathy。（微博圖片）
徐子淇連背景都裝飾埋，認真細心。（Instagram截圖）
台灣的藝人都有為BB打扮，應應萬聖節。黑人陳建州同太太范瑋琪的一對大小熊貓今日就變成一對蜘蛛俠，仲痴實爸爸，扮演得非常到位！王力宏（Leehom）就同太太李靚蕾扮成阿拉伯人，亦有為囡囡嘉莉戴上頭飾，不過都係為了保護女兒，Leehom以南瓜公仔遮住了囡囡塊面。
熊貓變蜘蛛大家like唔like？（微博圖片）
又見唔到嘉莉廬山真面目。（微博圖片）
最近正鬧婚變的諸葛紫岐（Marie）同Neway二少薛嘉麟今日都合體，同囝囝薛華韜開party。韜韜雖然沒有穿上搞鬼服裝，但亦同爸爸一齊戴上南瓜帽，更畫爸爸的面，Marie亦露出幸福的笑容，場面溫馨，希望Marie同老公快點好起來吧。
So sweet！（微博圖片）
