【now.com】趁著《十月初五的月光》電影版下月上映，無綫正重播由張智霖 （Chilam）、佘詩曼（阿佘）和薛家燕等主演之經典《十月初五的月光》電視劇。久違的「初哥哥」（Chilam）、「君好」 （阿佘）、「Q姨」（家燕姐）和一班「澳門街坊」重現營幕，喚起觀眾不少回憶。不少網民大讚Chilam冇變過，唐文龍繼續型棍，雖然當年阿佘就臉圓圓babyfat未散，但勝在pure清麗。她和Chilam在頭四集扮歡喜寃家，係鐵嘴雞鬥萌啞仔，相當精彩搞笑，看來電影版都幾大壓力。
Chilam昨於內地工作，未有時間重看《十》劇，不過對於15年前後都演出這部經典作品，當然別有感覺，他說：「其實係好難得嘅機會，『初哥哥』係我其中一個自己鍾意嘅角色，當年拍呢部戲時亦都好開心，花咗好多心機學手語。15年後我再演番呢個角色仲好有感情，但經過咁多年嘅變化，『初哥哥』亦由以前嘅純真變到成熟咗，喺電影版入面佢同『君好』都會有啲唔同，希望觀眾會鍾意。」提到其外表保鮮不變，Chilam笑說：「都有成熟咗，最緊要保持心境愉快。」
當年的張智霖同宜家都沒有大分別，似凍齡15年。（網上圖片）
「初哥哥」再與「君好」，不少觀眾擔心未及電視劇般好。
沒有了baby fat，阿佘好弗。
