【now.com】科技進步，原意是可以加快效率，令工作時間縮短。可惜正正因為效率快，以往的等份文件等緊張相等埋條片……只要你唔係等個真人現身，基本上今時今日有部手機，下一秒就能夠做到。文件相影片一到，又要繼續開工。還加上不同種類的工作Chat Group，令到入夜、凌晨、深夜，無時無刻都可以成為交代工作進度的會議室，打工仔從此進入無收工年代。甚麼最高工時，將來即使立咗法，張宇人都唔使咁驚青啦，肯定只會形同虛設。
打工仔希望最高工時早日立法多個保障，但明星們向來都反其道而行，最希望可以日日有工開，日接夜夜接日，做足24小時，咁先證明到自己人氣十足。就算有機會停低下來，都甘願花休息時間，去管理一下自己個Fans Page，發下微博，跟粉絲聯繫感情。最近坊間更興了一個新App，令不少明星們自投羅網，該App叫「17」，有了它，你就可以跟粉絲們隨時隨地玩Live Chat。
17，這個近似Instagram的App，是由台灣藝人黃立成投資開發，用戶可以向追蹤者發放相片、短片之餘，更可以玩Live Chat，即時跟粉絲們在鏡頭前傾偈。而且最特別是它還設有「今日收潤」，類似廣告分紅制度，只要愈多人追蹤你，獲得愈多Like，你便可以得到愈多「分潤」，只要潤金去到3,000元新台幣，用家便會收到錢。由於玩法更互動，而且每日有成效可見，17由6月上架以來，短短數個月便錄得有50萬名會員。
私隱，一直被明星們視為最要嚴守的一道防線，但來到這個年頭，原來只要略為釋放這條防線，在新科技配合下又會突然變成衡量你知名度的事業線。自己有幾多位追蹤者，每個貼文有幾多個Like，到而家你每日賺到幾多潤金，都是一個個指標。過去處於超然地位的私隱，都由自己適度有為地釋放出來。由起初在微博抒發己見，回應事件，宣布分手，到現在於Live Chat下影影自己屋企，Show吓自己身材，人人自願加班開工，跟粉絲作零距離接觸。咁第一身報道，難怪連不愁銷量的八卦雜誌都捱不住要摺埋。唯一想問問各位明星們，連私人時間都分享埋，實在有冇需要為你哋爭取最高工時保障吓呢？
文：余建
〈娛樂乜乜乜〉逢星期一至五刊登
將每日的娛樂熱話，以全新角度為大家點評，大膽假設，細心求笑，希望滿足到去到邊度都好鍾意睇娛樂新聞的你。
