【now.com】藝人馬國明早前同港姐出身的黃心穎爆緋聞,事後急急澄清。近日林敏驄就在Facebook上載了一條片,見到馬國明、林敏驄及吳家樂身穿波衫,在馬國明未入鏡之前,傳出一句:「26、7點都已經好X高。」片段立刻被人在網上瘋傳,網上留言都指馬國明講粗口夠真,片段已經有超過一萬次瀏覽。
形象健康的馬國明其實早前都曾經被雜誌爆在球場豪邁換褲,今次片段中與林敏驄、吳家樂齊齊運動前熱身,在片段開始時,傳出一句「26、7點都已經好X高」,似乎與節目收視有關。片中更見到吳家樂輕拍馬國明,提示林敏聰正在拍攝影片。林敏驄更在片中問到:「喂!馬國明呢排搞咁多女呀!」馬國明就回答話:「我梗係喇!我哋呢啲……」片段在網上瘋傳後,有網友更直言「唔慣聽馬明講粗口」,但就有網友撐馬國明夠真性情。林敏驄接受傳媒訪問就指聽不到有人講粗口,但就說不是馬國明,更指是吳家樂講。