【now.com】何韻詩成為獨立歌手後，首次在灣仔伊館舉行一連六場的《十八種香港音樂會》。昨晚來到第四場，阿詩特別多謝唱歌老師Christine Samson和黃耀明，特別在講到明哥時，她帶淚話：「次次台上見到佢都想喊，多謝你嘅勇敢，有你嘅坦誠先有我嘅反叛。抗爭係需要人陪伴，好彩路上有你，最善良嘅你。」又話假若明哥有日開騷，叫fans們一定要捧明哥場。
而連日來「毛記電視」都踩場舉辦「勁曲金曲優秀選」，「被迫協辦」的阿詩大方借場，繼方健儀、王宗堯後，昨晚「得獎歌手」就是主唱《中女羅生門》的葉蘊儀，雖然中段有少少甩嘴，不過她笑說：「咁證明我係唱現場㗎！」台下即時報以熱烈掌聲。
另外，阿詩昨晚於台上與導演侯孝賢視像通話，侯導祝願香港人加油，並說：「一定要做對的事情，做對的事情，氣就會足，氣足事情就會通，做對的事情，就會有所收穫。」
好玩得的葉蘊儀（左）從「崔建芒」手上奪過獎項。（題外話，唔知《亞視永恆》有冇獎呢？）（facebook圖片）
估唔到方健儀唱《中東與綜》係咁好聽。（facebook圖片）
王宗堯Sir的《胸追人》都有份攞獎。（又題外話：我想畀佢追多啲！）（facebook圖片）
導演侯孝賢為港人打氣。（facebook圖片）
阿詩的演唱會仲有兩場，繼續good show！（facebook圖片）
