【now.com】剛剛慶祝完79歲生日的謝賢（四哥），今日下午和曾江、胡楓（修哥）及Joe Junior出席真人騷《四個小生去旅行》記者會。早前曾經傳出謝賢和曾江不和及積怨，今日記者會上當大批記者圍著進行訪問，四哥終於按捺不住，起身欲摑曾江一巴！
提到四人難得一起旅行時的趣事期間，四哥突然語帶激動，訴說今次行程有人「詐病」，並夾雜不少粗口說：「我哋幾個人今次旅程之中，一個就係跛嘅，廢嘅！」矛頭直指曾江，續說：「一路由頭到尾都坐輪椅，仲要我哋幾個推佢，但佢其實個人好活躍，根本就係扮嘢。」四哥越說越激動，當起身作勢向曾江打一巴掌時，坐於兩人中間的修哥隨即勸交，混亂間胡楓的眼鏡被弄跌，而四哥更怒氣沖沖離開。曾江更說：「使唔使咁激動啫！」而四哥離開會場前，又謂：「成班人都畀你烚，但我唔會畀你烚。」
（左起）Joe Junior、謝賢（四哥）、胡楓（修哥）及曾江齊齊出席真人騷節目記者會。（微博圖片）
四哥（左二）越說越激動，欲打向曾江（右一）。（微博圖片）
從四張由上而下的連環圖，可看到四哥欲向曾江怒摑的過程，期間夾在兩人中間的胡楓被撞跌眼鏡。（微博圖片）
