【now.com】吳雨霏（Kary）今年1月已經宣佈會與拍拖8年的男友「網球王子」洪立熙（Brian）結婚，在美國正式註冊結婚。半年後，Kary原來已靜悄悄重返兩人定情之地意大利舉行結婚派對，好姊妹Stephy（鄧麗欣）、Angela（區文詩）及Miki（楊愛瑾）亦到當地準備，又在社交網站晒歐遊相片。而Kary昨日更表示婚禮會在私人酒莊別墅舉行，花費全由男方負責，又話「最緊要大家開心」！
今日會在意大利行禮的Kary，昨日已經率先與一班好姊妹在意大利周圍觀光，又貼相分享。新娘子Kary幸福滿瀉，昨日更冧爆表示婚禮會在私人酒莊別墅舉行，她說：「呢次婚禮包起咗意大利私人酒莊別墅舉行，儀式就喺別墅草地進行。花費就全由Brian負責，所以詳細我都唔太清楚，使幾錢唔緊要，最緊要大家開心，有個美好回憶。」而一對新人昨日就送上筷子作為結婚禮物，Kary就解釋「係因為有『一雙一對』嘅意思啦！」
Kary又指她心情非常輕鬆，更十分享受當地天氣和風景，婚禮過後會繼續和屋企人駕車到意大利其他地方玩，更說會在8月在香港補擺喜酒，但只會得雙方親戚。
今年1月宣布結婚的Kary，早前發放婚照。（微博圖片）
飛到意大利等嫁的Kary，戴上巨型鑽戒閃爆。（微博圖片）
昨日Kary家人又按照傳統，由準新郎Brian（右二）做過大禮儀式，送上巨型龍鳳禮餅等。
一班好姊妹Stephy、Angela及Miki（左起）又在instagram貼上歐遊相片，分享喜悅。（instagram截圖）
