【now.com】組合農夫到無綫節目《娛樂3兄弟》宣傳新碟，在明晚播出的節目上，曾被前女友悔婚的C君坦言新歌《好彩分手》是其寫照：「畀前度嗌分手好Hurt，希望首歌可以為同道中人發洩心聲。」他又大爆原本歌名叫《你個EX係賤人》，最後被公司禁止。
陸永有份和鄭嘉穎與陳凱琳（Grace）一同拍攝劇集《殭》，對於兩人戀情，陸永不敢多插咀，只說不清楚兩人是否擦出愛火，反而斬釘截鐵指黃又南與劉佩玥的緋聞一定是假。他在劇中與多位女神拍檔﹐問到如果揀女朋友的話，陸永不敢揀名花有主的Grace，他說：「我會揀Anjaylia（陳嘉寶），Grace太完美啦，唔止靚、唔止叻、做戲又OK、估唔到佢連拉筋都咁勁！」
農夫又回顧最窮的日子，試過戶口只剩番三個八，問他們為了「搲撈」可以去到幾盡？C君即時自爆:「我坐過杜SIR（杜琪峯）大髀！」事源農夫和杜SIR在一次公司聚會中，杜SIR暢飲後唱起《海闊天空》來﹐之後一手拉著C君坐到他大脾上一起唱，C君笑言：「當時杜SIR以為我哋唔係搲撈之人﹐所以先放下介心﹐所以最後係冇得到任何工作機會。」
